bwiza.com
Ahabanza » Umusore ankutirijeho ansaba ko twazakorana ubukwe yarabanje kuntera inda, ubu mbyemere?
Amakuru Urukundo

Umusore ankutirijeho ansaba ko twazakorana ubukwe yarabanje kuntera inda, ubu mbyemere?

Nitwa Jeanne iwacu ni mu Ntara y’Iburasirazuba nkaba mfite imyaka 26, nize amashuri yisumbuye ndayarangiza ubu nkaba mfite n’akazi kampemba amafaranga aciriritse. Ndi umukobwa ubu uri mu rukundo ariko runarimo ikigeragezo.

Mfite umukunzi w’umusore rwose dufitanye gahunda ikaze irimo no gukorana ubukwe mu mpera z’uyu mwaka, imyiteguro tuyirimo, kujya mu murenge ni mu kwezi kwa Karindwi, twavayo tugategura uburyo twasohora invitasiyo, dutumira inshuti n’abavandimwe.

Muri iki gihe twumva ko urukundo rwacu rugeze kure kandi hashimishije, nahuye n’ikigeragezo, umusore akomeje kumpatira kuryamana na we, arashaka kungira umugore we nta kirakorwa ngo mbe uwe 100%.

Kubera ko ubu tutari kumwe aho akorera ari kure yanjye, ambwira ko yifuza ko twazageza igihe cyo kubana mfite inda, ngo ibyo yazabyishimira cyane. Buri munsi anyoherereza amafoto y’abagore batwite, ambwira ngo ndamutse mbanye nawe ndi muri ubwo buzima ngo byamunyura. Mubaza impamvu abyifuza atyo akambwira ko ari ibimurimo.

Muri iyi minsi nibwo tuzabonana, ubu nta kindi ambwira, ni iyo ngingo, nagerageje no kumwumvisha ko ari n’ibishoboka byakunda twararangije gusezerana mu buryo bwemewe n’amategeko, akavuga ko ntamwizera.

Ngayo nguko, inama zanyu ndazikeneye, ese mbyemere? Ariko nsubiza amaso inyuma nkagira impungenge kuko umusore ni umwana w’undi da.

 

Izindi wakunda

3 Ibitekerezo

Hakiza 16/05/2019 2:14 pm at 2:14 pm

Uwo musore mureke ntarukundo afite ashaka kuguhemukira abo akoherereza ni abagore be

Subiza
SOROSORI 16/05/2019 2:35 pm at 2:35 pm

IBYO SE NI IBIKI ahubwo aragushuka namara gupfunduragaseke azagutera uwinyuma ,nkugiriyeninama rero komeza wihagarareho,naho ubundi uzaririmba urwo ubonye.Ikindi ni uko ashobora kuba ashaka kukugerageza ngo arebe ko uri umusambanyi rero komeza ube ibamba bizatumba akomeza gukumbura icyo yagukundiye kandi azakomeza kukubaha.wikwica ubusugi bwawe ihangane uhagarere ku ikuzo ryawe.KANDI UJYE WIBUKA KO IBYO BYOSE iMANA ITABYEMERA RINDIRA RERO NDUMVA MURI NA HAFI GUKORA UBUKWE.

Subiza
Messiah 16/05/2019 5:12 pm at 5:12 pm

Yewe muko,

azagutera inda nyine, ahite yirebera hirya, byose ni wowe bizarushya !
Ubwo niwemera, uzaba ubaye nka wawundi wanga gufata ihene igihebeba, hashira akanya imaze kumucika, agatangira guhebeba nkayo ayishakisha !!

Wamwihoreye kugeza mukoze ubwo bukwe? Ubwirwa n’iki se ko adashaka kubivamo, noneho agatangira kukubwira ibyo abona ko utazemera kugirango abone uko akwikura, ati wanze ibyo nshaka?!!! Niba agukunda, azagutegereza, niba akunda inda watwara gusa mutarabana (mutarasezerana), ubwo arashaka nyine kuzitorera umwana we akuze, nyina akamwihorera !

Mureke, niyanga ntuzabura uwundi ugukunda ! Kereka niba ariwe muhungu wenyine wari usigaye kw’isi !

A bon entendeur, Salut !

Subiza

Tanga Igitekerezo

Bwiza.com
error: Alert: Ntabwo byemewe!!