bwiza.com
Imikino

AS Muhanga y’abakinnyi icumi itsinze APR FC  bituma itakaza amahirwe yo kwegukana igikombe cya Shampiyona

 

Ikipe ya AS Muhanga itsinze APR FC ibitego bibiri kuri kimwe (2:1) bituma APR itakaza amahirwe yo gutwara igikombe cya Shampiyona muri uyu mwaka.

Uyu mukino wari umunsi wa 28 wa Shampiyona aho ikipe ya AS Muhanga yari yakiriye ikipe ya APR FC . Uyu mukino ukaba wabereye kuri stade ya Muhanga. Uyu mukino wari ishiraniro kuko APR yashakaga gutsinda kugira ngo ikomeze kotsa igitutu Rayon Sports iri ku mwanya wa mbere.

Umukino watangiye ikipe ya APR isatira mu buryo bukomeye gusa n’ikipe ya Muhanga yacishagamo igahererekanya neza ndetse no gusatira dore ko yari iri mbere y’abafana bayo. Ikipe ya AS Muhanga yaje kubona igitego gitsinzwe na rutahizamu wayo Bizimana Yannick ku munota wa 25.

Igice cya kabiri cyatangiye APR ishaka kwishyura gusa byaje kuba ibyubusa dore ko yaje guhita itsindwa igitego cya kabiri gitsinzwe na Bizimana Yannick. APR yaje kubona igitego kimwe cy’impozamarira ku munota wa 80 gitsinzwe na Mugunga Yves.

Nyuma yo gutsindirwa i Muhanga , APR itakaje amahirwe yo kwegukana igikombe cya Shampiyona kuko kugeza ubu irushwa na Rayon Sports amanota ane ku rutonde rwa Shampiyona. Ikipe ya Rayon Sports ikaba isabwa gutsinda umukino umwe gusa kugira ngo yegukane igikombe.

Rayon Sports na APR zisigaje imikino ibiri gusa kugira ngo Shampiyona irangire. Iyi nsinzwi y’ikipe y’ikipe y’ ingabo z’u Rwanda ikaba ibaye intambamyi yo gutwara igikombe. As Muhanga ikaba itsinze APR ifite abakinnyi icumi kuko umukinnyi Junior Nizigiyimana wa Muhanga yahawe ikarita itukura mu gice cya mbere.

Umunsi wa 29 wa shampiyona uzakurikiraho ,Rayon sports izakina na Kirehe FC. Rayon Sports nitsinda uyu mukino izahita itwara igikombe mu buryo budasubirwaho. APR FC yo izakira ikipe ya Espoir y’i Rusizi.

 

Nkurunziza Viateur @ Bwiza.com

Izindi wakunda

Bwiza.com