bwiza.com
Ahabanza » Tanzania : Impunzi zisaga 10 z’Abarundi zatawe muri yombi
Amakuru Politiki

Tanzania : Impunzi zisaga 10 z’Abarundi zatawe muri yombi

Polisi yo mu gihugu cya Tanzania yataye muri yombi impunzi z’Abarundi zo mu nkambi ya Mtendeli, nyuma yo guteza imvururu.

Mu gitondo cyo ku wa Gatanu tariki ya 17 Gicurasi 2019, nibwo impunzi zateje imvururu zibuza polisi gusenya aho bubatse bakoreraga ubucuruzi muri iyi nkambi, biza kurangira bamwe muri zo batawe muri yombi.

Ahagana saa yine n’igice z’igitondo (10 :30) ku isaha yo muri Tanzania, ngo nibwo umuyobozi w’inkambi ya Mtendeli aherekejwe na Polisi n’abandi bantu bari bambaye sivile ariko basanzwe ari abayobozi mu nkambi bayinjiyemo, bafite intego yo gusenya inzu impunzi zagiye zubaka zikazikoreramo ubucuruzi, ibi ngo bikaba byarakozwe zarabanje guhabwa integuza.

Umwe mu baganiriye na SOS Medias Burundi, yagize ati « Umuyobozi ukiri muto w’inkambi yatangaje ko ubucuruzi bwagutse butemewe hano mu nkambi,… ».

Bitangazwa ko impunzi zagerageje kubuza polisi gusenya izo nzu, ngo ikoresha imbaraga igerageza kubasubiza inyuma havuka imvururu zaje guhoshwa n’itabwa muri yombi rya bamwe.

Abatawe muri yombi ngo bashinjwa kuba inyuma izo mvururu, bityo ngo umubare w’amafaranga utazwi, ibiciruzwa byari mu nzu ebyiri birimo umuceri n’ifarini byatwawe mu modoka n’abayobozi b’inkambi.

Izindi wakunda

Bwiza.com
error: Alert: Ntabwo byemewe!!