bwiza.com
Ahabanza » Umuhanzi Senclite yiyemeje gufatanya umuziki n’amasomo
Amakuru Imyidagaduro

Umuhanzi Senclite yiyemeje gufatanya umuziki n’amasomo

Umuhanzi Nyarwanda Niringiyimana Anaclet uzwi ku izina rya Senclite, avuga ko yinjiye muri muzika Nyarwanda afite umwimerere we, bityo ko kuwufatanya n’amasomo abona azabishobora.

Senclite aririmba mu njyana ya Afro beat, avuga ko yabanje kuririmba muri kolari z’abana ariko akunda umuziki cyane, akanagira inzozi zo kuzaririmba ku giti cye, aribyo ubu arimo gushyira mu bikorwa.

Aganira na Bwiza.com, yagize ati”Mu buto bwanjye naririmbaga muri Korali y’abana yo ku cyumweru kandi nkumva ndabikunze, ku myaka 12 natangiye kuririmba mu y’abakuru. Uko nagendaga nkura numvaga ndushaho gukunda kuririmba ari nako nigana kuririmba indirimbo z’abandi. Mu mwaka wa Kane w’amashuri yisumbuye mfatanyije n’bandi twari duhuriye muri Club twatangiye kwigana kuririmba indirimbo z’abandi ndangije ntangira kuririmba ku giti cyanjye nk’umwuga.”

Senclite ngo n’ubwo akiri ku ntebe y’ishuri ntibimubuza guhanga agacishamo agasusurutsa abo bigana. Yamaze gushyira ahagaragara indirimbo ye ya mbere yise “Patron”. Avuga ko ikubiyemo ubutumwa, ati “Nahanze iyi ndirimbo ngamije gukebura urubyiruko aho usanga umuntu amara gutera intambwe agatangira kwisumbukuruza bikababuza amahirwe atandukanye.Ndizera ntashidikanya ko uzumva iyi ndirimbo  izamufasha kwiyoroshya no gufatanya n’abandi.”

Yakomeje avuga ko intego ye muri muzika nyarwanda, ari uguhugura abakunzi b’umuziki nyarwanda  abinyujije mu bihangano bye no kubasusurutsa.

Mu ndirimbo ye avuga ko yambara akitwa Patron

Izindi wakunda

Bwiza.com
error: Alert: Ntabwo byemewe!!