bwiza.com
Ahabanza » Ambasade y’u Rwanda i Kampala yaba iri mu nzira zo gufunga imiryango?
Featured Politiki

Ambasade y’u Rwanda i Kampala yaba iri mu nzira zo gufunga imiryango?

Guverinoma ya Uganda ngo ishobora gufunga Ambasade y’u Rwanda I Kampala ivuga ko ari indiri y’ibikorwa bibangamiye ubusugire bwa Uganda. aya makuru ariko u Rwanda ruravuga ko ntacyo ruyaziho nk’uko byemejwe na Ambasaderi Olivier Nduhungirehe mu butumwa yahaye Bwiza.com.

Ikinyamakuru Regionweek dukesha iyi nkuru kiravuga ko hari ikinyamakuru cyo muri Uganda cyemeje ko u Rwanda rwaba ruri mu nzira yo gufunga ambasade yarwo muri Uganda kubera ibibazo biri hagati y’ibihugu byombi bikomeje kuburirwa umuti.

Twagerageje kumva niba aya makuru u Rwanda rwaba ruyazi, duhamagara kuri telephone Umunyamabanga wa Leta muri Minisiteri y’Ububanyi n’Amahanga, Ambasaderi Olivier Nduhungirehe ntiyabasha kwitaba tumwoherereza ubutumwa bugufi yasubije mu magambo macye agira ati: “Sinzi aho ibyo babikuye. Ntabwo ari ukuri.”

Igihugu cya Uganda ngo kikaba cyarakunze gukemanga ibikorerwa muri Ambasade y’u Rwanda i Kampala itinya ko hashobora kuba hari imigambi mibi ihacurirwa n’abantu babi yo guhungabanya Uganda.

Impamvu ivugwa yo gufunga ambasade

Iyi nkuru iravuga ko ubutasi bwa Uganda buvuga ko umukuru w’igihugu cy’u Rwanda akoresha ambasade mu bikorwa bitandukanye bigamije kugira ijambo muri Uganda.

Ku kibazo cy’intasi z’u Rwanda ngo zaba ziri muri Uganda, Perezida Museveni akaba yarasabye ko abakekwa bafatwa bagahatwa ibibazo bagasubizwa mu Rwanda.

Bikaba bivugwa ko mu gihe Ambasade y’u Rwanda I Kampala yaba ifunzwe, byaba bisobanuye ko ibihugu byombi bicanye umubano burundu kugeza igihe abayobozi b’ibihugu byombi bazakemura ibibazo bafitanye.

 

Izindi wakunda

2 Ibitekerezo

Singombwa 21/05/2019 11:26 pm at 11:26 pm

Mwandikana ubuswa inkuru zanyu buri gihe. Ijambo ngo Ibibazo Abakuru b’ibihugu byombi bafitanye mizarizira

Subiza
IMBWAMUZINDI 22/05/2019 10:52 am at 10:52 am

ARIKO NDUHUNGIREHO UBONA ATARI UMUBESHYI,,,, bINAMUGARAGARAHO MUMASO RWOSE ,,,,

Subiza

Tanga Igitekerezo

Bwiza.com
error: Alert: Ntabwo byemewe!!