bwiza.com
Ahabanza » Umunyarwanda yarasiwe muri Amerika ahita apfa
Amakuru mu mahanga

Umunyarwanda yarasiwe muri Amerika ahita apfa

Umunyarwanda Mpirwa Dieuveut uri mu kigero cy’imyaka 20 y’amavuko yarashwe ku wa Gatanu tariki ya 17 Gicurasi 2019, mu gace ka South Parkwood Lane, ko muri Leta Zunze Ubumwe za Amerika, ahita yitaba Imana.

Mpirwa yishwe n’isasu ngo yarashwe na mugenzi we Noah Kanyizere ufite imyaka 24 y’amavuko. Polisi yo mu mujyi wa Wichita muri Leta ya Kansas, igatangaza ko habanje kumvikana urusaku rw’amasasu ihagera isanga uyu musore yishwe.

Polisi itangaza ko Kanyizere  ucyekwaho kwica Mpirwa yatawe muri yombi akekwaho kwica mugenzi we, by’umwihariko ko uru rupfu rushobora kuba rwaravuye ku makimbirane aba basore bombi bari bagiranye.

Se wa Kanyizere niwe wabanje gufungwa, nyuma Polisi iza guta muri yombi uyu musore [Kanyizere] ifungura se,  ari nabwo ngo byaje kumenyekana ko yaba ariwe wishe mugenzi we.

Aba basore bombi n’ababyeyi babo ni Abanyarwanda baba muri Amerika, bakaba bari basanzwe ari inshuti, by’umwihariko ko Kanyizere yishe Mpirwa amusanze mu rugo iwabo.

 

Izindi wakunda

Bwiza.com