bwiza.com
Ahabanza » Kagere Meddie na John Bocco bafashije Simba SC gutwara igikombe
Amakuru Imikino

Kagere Meddie na John Bocco bafashije Simba SC gutwara igikombe

Ku nshuro ya kabiri yikurikiranya, Simba SC yo muri Tanzania yabashije gutwara igikombe cya shampiyona 2018/2019, ibifashijwemo n’Umunyarwanda Kagere Meddie na John Bocco.

Kuri uyu mukino wabaye ku munsi w’ejo hashize, Simba SC yari yasuye Singida United ku kibuga cyacyo cya Namfua.

Igitego cya Kagere Meddie ni cyo cyafunguye amazamu ku munota wa 10, mu gihe icya John Bocco cyagiyemo ku munota wa 60 w’umukino.

Simba itwaye igikombe ku manota 91, iracyafite imikino ibiri  kugira ngo uyu mwaka w’imikino urangire. Iyo mikino ni izayihuza na Biashara United ku wa 25, n’uwa Mtibwa Sugar ku wa 28 Gicurasi. Ikurikirwa na Young Africans ifite amanota 83 mbere y’uko ikina na Mbeya City uyu munsi.

Kagere Meddie ni we mukinnyi umaze gutsinda ibitego byinshi muri uyu mwaka; ni muri iyi shampiyona ya Tanzania y’umupira w’amaguru. Icyo yatsinze Singida cyatumye agira ibitego 23.

Simba SC ni ikipe ya kabiri imaze gutwara ibikombe byinshi bya Shampiyona, kuko ubu ifite 19, mu gihe Yanga(Young Africans) ifite 26. Ibi bivuze ko Simba ibura ibikombe 7 kugira ngo inganye agahigo na Yanga.

Izindi wakunda

Bwiza.com
error: Alert: Ntabwo byemewe!!