bwiza.com
Ahabanza » Peace Cup 2019: Rayon Sports yatomboye kuzahura na AS Kigali naho Etincelles itombola Marine FC
Imikino

Peace Cup 2019: Rayon Sports yatomboye kuzahura na AS Kigali naho Etincelles itombola Marine FC

 

Ikipe ya Rayon Sports itomboye kuzahura na AS Kigali mu mikino y’igikombe cy’Amahoro ku munsi wayo wa mbere mu gihe amakipe y’I Rubavu Marine na Etincelles nayo azisobanura rugikubita muri iri rushanwa.

Iyi tombola isize Rayon Sports na AS Kigali ariwo mukino ukomeye uzahita uba dore ko aya makipe ahora ahanganye muri shampiyona. Umwaka ushize Rayon Sports yari yatsindiwe ku mukino wa nyuma na MUkura naho AS Kigali yari yagarukiye muri 1/8.

Ni tombola yabereye ku cyicaro cy’ishyirahamwe ry’umupira w’amaguru mu Rwanda ( FERWAFA) kuri uyu wa gatatu tariki ya 22 Gicurasi 2019. Iyi tombola igaragaza uko amakipe azahura ku munsi wayo wa mbere yayobowe na Kamanzi Karim, Eric Nshimiyimana wabaye umukinnyi ukomeye akaba n’umutoza ndetse na Kayishakire Hadidja uyobora umupira w’abagore.

Igikombe cy’uyu mwaka gifite umwihariko kuko aricyo gikombe cyibayemo tombola mu buryo busesuye. Ubundi mu myaka yashize amakipe yo mu ccyiciro cya mbere yahitaga atomborana n’ayo mu cya kabiri. Ikindi kandi muri uyu mwaka amakipe yiyandikishije mu kwitabira iki gikombe ni 20 mu bagabo. Mu gihe mwaka ushize cyari cyitabiriwe n’amakipe 30. Akandi gashya kabaye muri iki gikombe, ni uko iki gikombe kizakinwa nyuma ya shampiyona.

Muri uyu mwaka amakipe yiyandikishije kwitabira iki gikombe mu bagabo ni 20 mu gihe mu bagore ari amakipe 9 nayo yagabanijwe mu matsinda 3.

Dore uko tombola yagenze mu buryo burambuye:

Tariki ya 4 Kamena 2019

Hope vs Gasogi United
AS Kigali vsRayon Sports
Interforce FC vs Intare FC
Sunrise Vs Espoir fc

Tariki ya 5 Kamena 2019

Gicumbi FC vs Police FC
Vision FC VS Bugesera FC
APR FC vs Rwamagana FC
Etoile de L ‘Est VS Kiyovu Sports
Marines FC vs Etincelles FC

Mu cyiciro cy’abagore , dore uko amatsinda ateye:

Itsinda rya 1: AS Kigal WFC, Inyemera WFC na AS Kabuye WFC
Itsinda rya 2: Rugende WFC, Kamonyi WFC na Scandinavia WFC
Itsinda rya 3: ES Mutunda WFC, Freedom de Gakenke WFC na Bugesera WFC

Imikino ibanza izakinwa tariki ya 4 na 5 Kamena mu gihe imikino yo kwishyura izakinwa tariki ya 7 na 8 Kamena 2019. Mukura Victory Sport niyo ifite igikombe cy’umwaka ushize , aho yari yatsinze Rayon Sport ku mukino wa nyuma.

Nkurunziza Viateur @Bwiza.com

Izindi wakunda

Bwiza.com
error: Alert: Ntabwo byemewe!!