bwiza.com
Ahabanza » Kicukiro: Imodoka yarenze umuhanda yinjira mu nzu yari iryamyemo abantu- AMAFOTO
Amakuru mu Rwanda

Kicukiro: Imodoka yarenze umuhanda yinjira mu nzu yari iryamyemo abantu- AMAFOTO

Imodoka yo mu bwoko bwa Voiture Collora yari itwawe na Mukanshimiyimana Cesarie, kuri uyu wa Kane tariki ya 23 Gicurasi 2019, yarenze umuhanda igonga inzu y’umuturage, yinjira mu cyumba cyari kiryamyemo abakobwa babiri.

Mukanshimiyimana Cesarie, wari utwaye imodoka avuga ko bisi ya Sosiyeti itwara abagenzi mu Mujyi wa Kigali (KBS) yamugonze imuturutse inyuma ubwo yari mu muhanda i Kanombe ku kibuga cy’indege, atwaye imodoka ya voiture Corolla, irayisunika igonga inzu kugeza yinjiye mu cyumba.

Agira ati“ Imodoka ya KBS yanturutse inyuma yiruka, iransunika kugeza ubwo  nataye umuhanda ndagenda ngonga inzu yari iryamyemo abakobwa babiri, Imana yakinze akaboko imodoka nari ntwaye yasenye urukuta yinjiramo igarukira ku buriri bwabo.”

Umuvugizi w’ishami rya Polisi rishinzwe umutekano wo mu muhanda, SSP Jean Marie Vianney Ndushabandi  yabwiye Bwiza.Com ko impanuka yabaye koko, gusa ko yoroheje bitewe n’uko nta muntu yahitanye cyangwa ngo hagire ukomereka. Yakomeje avuga ko ibisigaye bikazakorwa na kompanyi z’ubwishingizi.

Ibyangijwe n’iyi mpanuka, ni iyi modoka yari itwawe na Mukanshimiyimana hamwe n’inzu yagonze.

Bus ya KBS niyo yari inyuma y’iyakoze impanuka
Iyi modoka yahise nyinjira mu nzu y’umuturage
Nyuma yo gukora impanuka, iyi modoka yangiritse

 

 

 

Izindi wakunda

Bwiza.com
error: Alert: Ntabwo byemewe!!