bwiza.com
Ahabanza » Umutoza wa APR F.C ntarakura amaso ku gikombe benshi babona mu biganza bya Rayon Sports
Amakuru Imikino

Umutoza wa APR F.C ntarakura amaso ku gikombe benshi babona mu biganza bya Rayon Sports

Umutoza w’ikipe ya APR FC, Zlatko Krmpotić, yabajijwe uko we n’abasore be biteguye imikino isigaye ngo shampiyona y’ikiciro cya mbere y’umupira w’amaguru mu Rwanda irangire, avuga ko yiteguye neza kandi ko igikombe ataragikuraho amaso.

Yagize ati ” Icyo nakubwira ni uko twiteguye neza, intego ni ugutahana dushaka amanota atatu kuko ubu nta rindi kosa twemerewe gukora tugomba gukora ibishoboka byose tugatsinda imikino ibiri dusigaranye kugira ngo amahirwe yo kwegukana igikombe atayoyoka kandi dusa naho tukiyafite, rero icyo dushaka n’ugutsinda uriya mukino ibindi bikaza nyuma”.

Ikipe ya Rayon Sports ifite amanota 66, mu gihe APR ifite 62, bityo benshi mu bafana ba ruhago bakaba baha amahirwe menshi ikipe ya Rayon Sports kuba yatwara igikombe n’ubwo umutoza wa APR FC ahamya ko batarakuraho amaso.

Nk’uko byatangajwe ku rubuga rwa APR FC, yagize ati “Byose biracyashoboka kuko shampiyona ntirarangira mu mibare byose biracyashoboka kuko harimo ikinyuranyo cy’amanota ane mu gihe habura imikino ibiri, twebwe icyo tugomba gukora n’ugustinda imikino yacu ibiri dusigaranye ibindi bikaza nyuma”.

Shampiyona y’iki cyiciro cya mbere Azam Rwanda premier league igeze ku munsi wayo wa makumyabiri n’icyenda, APR FC nyuma yo gutsindwa na AS Muhanga, ikaba igomba kwakira ikipe ya Espoir kuri uyu wa Gatandatu kuri stade ya Kigali i Nyamirambo.

 

Izindi wakunda

Bwiza.com
error: Alert: Ntabwo byemewe!!