bwiza.com
Ahabanza » RDC: Inyeshyamba zari zarashyize intwaro hasi zasubiye mu ishyamba kubera inzara
Amakuru Politiki

RDC: Inyeshyamba zari zarashyize intwaro hasi zasubiye mu ishyamba kubera inzara

Des miliciens du groupe Bakata Katanga en train de déposer leurs armes au bureau de la Monusco/Lubumbashi, samedi 23 mars 2013 Ph. Kabena

Inyeshyamba zigera kuri 200 zari zarashyize intwaro hasi zikanajyanwa mu kigo cya Mubambiro, aho zategurwaga gusubira mu buzima busanzwe , giherereye muri Teritwari ya Masisi, mu ntara ya Kivu y’Amajyepfo, zasubiye mu bihuru.

Bitangazwa ko izi nyeshyamba zasubiye mu bihuru ku wa Gatanu tariki ya 24 Gicurasi 2019, bitewe n’ubuzima bubi zahoraga zivuga ko zibayemo mu kigo zari zarashyizwemo mbere yo gusubizwa mu buzima busanzwe, cyangwa se gushyirwa mu ngabo na polisi kuri bamwe.

Inyeshyamba 430 zishyize mu maboko y’igisirikare cya Leta (FARDC) na Monusco, zikaba zari zarashyizwe mu kigo cya Mubambiro, kitagira uruzitiro cyangwa se izindi nyubako zo kwakiriramo abashyitsi.

Nk’uko Radiyo Okapi ibitangaza, ngo izi nyeshyamba zatangazaga ko zibayeho nabi, zirya rimwe ku munsi zikanarara zikumbagurika hasi, by’umwihariko ngo ntizinamenyeshwe igihe zizasubirizwa mu buzima busanzwe cyangwa se guhabwa indi myanya mu gisirikare na polisi.

Umwe muri bo yagize ati “Njyewe mbarizwa mu mutwe wa Nyatura/Kavumbi. Twaje turi 229, hashize ibyumweru bitanu. Kugeza ubu 55 baratashye”.

Perezida w’inama Njyanama y’Intara ya Kivu y’Amajyaruguru, Seninga Robert avuga ko ingengo y’imari yo gusubiza mu buzima busanzwe izi nyeshyamba yari itaranozwa neza.

Ati “Perezida wa Repubulika yategetse ko ba Guverineri b’Intara bafata ingamba kuri iki kibazo cy’inyeshyamba zashyize intwaro hasi. Mbese ni igikorwa cyatangiye kandi tugomba gutera inkunga”.

Ishyami rya Monusco rishinzwe gusubiza mu buzima busanzwe abahoze mu ngabo, ritangaza ko ku bufatanye na Leta ya Congo bagiye gushakira hamwe igisubizo kuri iki kibazo inyeshyamba zifite.

 

Izindi wakunda

Bwiza.com
error: Alert: Ntabwo byemewe!!