bwiza.com
Ahabanza » Huye: Afite ubwoba ko inzu abamo izamugwaho agasaba leta kumufasha
Amakuru Politiki

Huye: Afite ubwoba ko inzu abamo izamugwaho agasaba leta kumufasha

Umukecuru w’imyaka 74 wo mu karere ka Huye, atuye mu nzu abona ko izamugwaho, agasaba inzego za leta ko zamwubakira ariko zitamukuye mu isambu ye kuko ariho ahinga akabona ikimutunga.

Mu mudugudu wa Gacyera Mu kagari ka Rango A mu murenge wa Mukura muri aka karere ka Huye, niho Matilida Mukandamage, umukecuru w’imyaka 74 atuye.

Mu nzu ishaje ndetse kimwe mu byumba bigize iyi nzu kikaba cyaraguye. yaganiriye na RadioTV10 dukesha iyi nkuru avuga ko arara ahagaze iyo imvura yaguye.

Ati “iyi nzu mbayemo imeze nabi iyi mvura igiuye ndara nabi, si ndyama ni izina ry’Imana. Iyo bucyeye abantu baza kundeba ko naba napfuye.”

Uyu mukecuru ubana n’umwuzukuru we nawe ufite uruhinja, avuga ko nta bushobozi afite bwo gusana iyi nzu akaba ariho ahera asaba ko yafashwa iyi nzu akayisanirwa ariko atimuwe ngo ajyanwe ahandi mu midugudu ya kure.

Yunzemo ati “njyewe sinshaka ko banyimura ngo bazanjyane kugahinga ko naba ntaye insina yanjye, njyewe ndifuza ko banyubakira iwanjye, niba batanyubakiye nzapfiramo hano. Ni bansanire hano bansakarire.”

Inzego z’ibanze zivuga ko zigomba kubanza kumenya uyu mucyecuru kugirango afashwe kuba yakubakirwa aho atuye cyangwa ngo yimurwe ajaynwe ahandi, gusa na none ngo hari imymvire ikwiriye guhinduka kuri bamwe mu baturage.

Ni henshi mu Rwanda hari bamwe mu baturage batuye mu nzu zishobora kubashyira mu byago mu gihe icyari cyose imvura ibaye nyinshi igateza Ibiza, ubuyobozi bubasaba kuzivamo nyamara bo bakagaragaza ko nta bushobozi bafite bwo kubaka izindi.

 

Izindi wakunda

Bwiza.com