bwiza.com
Ahabanza » Igisirikare cy’u Bufaransa gikomeje gutyaza icya Uganda mu bijyanye no kurwanira mu misozi
Amakuru Politiki

Igisirikare cy’u Bufaransa gikomeje gutyaza icya Uganda mu bijyanye no kurwanira mu misozi

Igisirikare cya Uganda kibifashijwemo n’abarimu b’Abafaransa cyongereye imyitozo yo kurwanira mu misozi, aho kuri ubu imyitozo iri gukorerwa mu Karere ka Ntoroko kegereye umupaka wa Repubulika iharanira Demokarasi ya Congo.

Ni imyitozo irimo gukorwa mu gihe mu karere ikibazo cy’umutekano gikomeje kwiyongera nk’aho mu minsi ishize umutwe wa ADF wifatanyije n’umutwe w’iterabwoba utinyitse kurusha iyindi ku Isi muri iki gihe witwa Islamic State ukomeje kwigamba ibitero muri Congo.

Col Dothan Mukasa Kavuma, Komanda w’Ishuri ry’Imyitozo rya Karugutu, yashimye abasirikare b’Abafaransa n’Abagande ku bufatanye bagaragaje mu myitozo bahuriyemo ikomeje yahawe izina rya ‘Mountain Ghost’.

Umuvugizi w’Igisirikare cya Uganda Wungirije, Lt. Col. Deo Akiiki, yavuze ko iyi myitozo igomba kumara iminsi 10 yatangiye kuwa Mbere, izatuma abasirikare babasha kwitwara neza mu misozi mu gihe baba bari kurinda igihugu.

Col Kavuma yasabye abari mu myitozo kurangwa n’ikinyabupfura na morale niba bifuza kuyirangiza neza nk’uko iyi nkuru dukesha Chimpreports ikomeza ivuga.

Yakomeje agira ati: “Mbere, twari dufite ibibazo bya tagitiki zo kurwana n’ibikoresho biteye imbere byo gukoresha mu misozi, ubu dufite ibikoresho bigezweho, ubumenyi buhagije n’ubunararibonye twasangiye na bagenzi bacu b’Abafaransa UPDF itari ifite mbere.”

Ukuriye ingabo z’u Bufaransa, Major Asedu nawe yashimye guverinoma z’ibihugu byombi ndetse na UPDF ku kuntu bakiriwe neza n’ubufatanye buri hagati y’ibihugu byombi.

Yavuze ko u Bufaransa buzakomeza gusangiza ubumenyi, gufasha no kwigira kuri bagenzi babo ba Uganda muri iyi myitozo.

Izindi wakunda

4 Ibitekerezo

rrrr 26/05/2019 12:30 pm at 12:30 pm

ariko ubanza abirabura tugir’ikibazo mu mitekerereze!M7 agifata ubutegetsi ni we muntu wangaga aba-coloni urunuka,none niwe wazanye abafransa?bazamwigishirize ingabo nk’uko bigishije iza Habyarimana kdi umuti w’izafashe amasomo yaturutse hariya urahari burya tugira farmacies ziwucuruza hhh,abanya-afrika we

Subiza
ggggGG 26/05/2019 6:29 pm at 6:29 pm

Iza HABYARA GISUNZU Bazitoje imyaka irenga 10 ariko umusaruro wazo ntawe utawuzi nankaswe iminsi 10; Iyo utanze igikoresho gikomeye nk’ibyo bavuga bigezweho, buriya na Haduyi aba umuhaye.

Subiza
Hesron 27/05/2019 4:43 am at 4:43 am

Ariko igisilikare cya Uganda abenshi bacyibeshyaho. Ntahantu na hamwe mumateka cyari cyahura nikindi gihugu ngo kigaragare. Kizwiho kurwanira na Kony, ADF, Al Shabaab nabasivili babo mumyigaragambyo.
Abakiyobora baramutse bafite ubushishozi bajya bagihisha ejo kitazitamaza bigatuma nabagitinyiraga ibigango gusa bacyubahuka. Numvise ko bigeze gushyogozanya nabanyarwanda iyo muli Congo, abanyarwanda bakoma akaruru barahurura batwika ibifaru byabo bagande,babambura izindi ntwaro zitabarika,bafata abagera Kuli maganabiri mpiri,. Umugabo ati nanyereye sibwo ateye bwa kabiri, barongera bamukora kwakundi ubwagatatu bwo ntawabivuga… Nina uwo mufaransa azarema abandi bashya, nakomeze abashuke dore haciyeho iminsi wasanga baribagiwe.

Subiza
afande kabyindi 😂😂 28/05/2019 10:07 am at 10:07 am

muri amabyi

Subiza

Tanga Igitekerezo

Bwiza.com
error: Alert: Ntabwo byemewe!!