bwiza.com
Ahabanza » Igiterane va muri karande cyitezweho umusaruro
Amakuru Ivugabutumwa Iyobokamana

Igiterane va muri karande cyitezweho umusaruro

Ku inshuro ya Gatandatu igiterane va muri karande mbi gitegurwa n’umuhanzi Ev. Nzigiyimana Fidèle kizaririmbamo abahanzi benshi gitegerejwemo umusaruro mu kuzana abantu ku Mana.

Umuhanzi akaba n’umuvugabutumwa Fidele NZIGIYIMANA umuyobozi mukuru wa turwanye karande mbi (va muri Karande mbi uharanire ibyiza witeza imbere) yatangarije bwiza.com, ko yongeye gutegurana morale igitaramo ngaruka mwaka kiremereye kizaba kirimo n’ indangururamajwi yo kurwego rushimishije kizamara iminsi itatu ku kibuga masaka. Iki giterane kizaririmbamo abahanzi bagera kuri 17 babashyushyarugamba n’abavugabutumwa 5 barimo n”umunyamakuru Ev. Issa Karinijabo.

Umuhanzi Ev.Nzigiyimana Fidele

Uyu muhanzi umaze kugira indirimbo zigera kuri 17 z’amajwi, mu bikorwa bifatika byiza amaze gukora harimo: kwita kubatishoboye aho we n’itsinda rya turwanye karande mbi abereye umuyobozi mukuru bafashije umukecuru warokotse Jenoside yakorewe Abatutsi mu 1994 Mukaruhinda Cansilde w’i Masaka.

Kicukiro ari naho asubiye batanze ubwisungane mu kwivuza ku imiryango 50 itishoboye yo mu murenge wa Masaka ndetse benshi bakira agakiza. Muri Gasabo bubakiye umukecuru witwa Nubusa Madelene utishoboye wo mu murenge wa Gisozi warokotse Jenoside yakorewe Abatutsi mu 1994

Mu Akarere ka Kamonyi mu murenge wa Ngara igiterane cyamaze iminsi 2 batanga ubwisugane mu kwivuza kubatishoboye 70. Mu karere ka Rusizi mu murenge wa Nkombo ku bufatanye n’ihuririro rya Turwanye karande mbi dukora ibyiza twiteza imbere naho hakorewe igiterane cyamaze iminsi 2 abasaga 150 bakira agakiza ndetse hanafasha abatishoboye bagera kuri 50 bishyuriwa ubwisungane mu kwivuza indi miryango 5 itishoboye yorozwa amatungo magufi (ingurube).

Muri iki giterane kumusi wa mbere hazabaho ivugabutumwa muri rusange, umunsi wa 2 Polisi y’Igihugu izatanga inyigisho yo kurwanya ibobyabwenge , hazatangwa inyigisho yo kwiteza imbere, izatangwa na Duterimbere na BDF. ndetse habe n’inyigisho yo gushishikariza abantu uburyo bwo kwivuza.

Ev. Corneil Ndabikunze “natangiye gutegura inyigisho zereka abantu uko bashobora kwisanga baba muri karande mbi uko igaragara kumuntu nuburyo wayivamo burundu ugasigara uri amahoro nifashisha Bibiriya isezerano rya cyera kuko ariho usanga byinshi bivuga kuri za Karande.”

Iki giterane kizabera mu karere ka Kicukiro umurenge wa Masaka, kizatangira kuwa gatanu tariki ya 31 kigeze kuya 02/06, 2019 ku kibuga cya Masaka aho kizajya gitangira saa tatu za Mugitondo gisoze saa kumi z’umugoroba.

Clement Bagemahe

Izindi wakunda

Bwiza.com