bwiza.com
Ahabanza » Kigali: Hotel Mariot yaguriye abatishoboye 500 mituweli
Amakuru

Kigali: Hotel Mariot yaguriye abatishoboye 500 mituweli

Kuri uyu wa gatandatu tariki ya 25 Gicurasi 2019,mu rwego rwo gushyigikira imibereho myiza y’ abaturage, Ubuyobozi bwa Holel Mariot Kigali bwashyikirije abaturage bo Murenge wa Kigali amafaranya miliyoni n’ igice y’ amanyarwanda (1.500.000 Fr ).

Nyuma yo gufatanya umuganda n’ abaturage bo mu Murenge wa Kigali, Umuyobozi ushinzwe abakozi muri Mariot, Nicole Ingabire yahise abatangariza ko ikigo akorera kibazirikana umunsi ku wundi.

Nicole Ingabire

Sr. HR Manager Ingabire Nicole, yagize ati” Njye n’ abandi bakoze twazanye hano , twaje gufatanya namwe kuko tubazirikana kandi ndabizeza ko dushyigikiye inzira y’ iterambere mwahisemo”.

Umunyamabanga Nshingwabikorwa w’ Umurenge wa Kigali , Emmanuel Rutubuka yashimiye ikigo Mariot ku nkunga cyatanze mu rwego rwo gufasha abaturage badafite ubushobozi kubona mituweli.

Rutubuka yagize ati” Iki ni igikorwa cyiza cyane kuko kizarushaho kunoza gahunda yari isanzwe iriho ,ariko na none aya mafaranga azagurira mituweli abantu tuzahitamo tubona babikwiriye mu by’ ukuri.

Iki gikorwa cyo gufasha abaturage badafite ubushobozi buhagije bwo kwivuza cyabaye mu muganda rusange aho ingabo z’ u Rwanda (RDF) zafatanyije n’ abaturage batuye mu Murenge wa Kigali mu Karere ka Nyarugenge.

Ingabo zifatanyije n’ abaturage zakoze ikilometero y’ umuhanda uturuka mu bigabiro by’ abami biherereye mu Mudugudu wa Musimba ukazagera ku Kagali ka Rwesero.

 

Izindi wakunda

Bwiza.com
error: Alert: Ntabwo byemewe!!