bwiza.com
Ahabanza » #kwibuka 25: Hon. Nyirasafari yatashye inzu yubakiwe Nyiramariza Clotilde wacitse ku icumu rya Jenoside
Amakuru mashya Kwibuka

#kwibuka 25: Hon. Nyirasafari yatashye inzu yubakiwe Nyiramariza Clotilde wacitse ku icumu rya Jenoside

Minisitiri wa Siporo n’Umuco, Hon. Nyirasafari Esperance yatashye ku mugaragaro anashyikiriza inzu yubakiwe uwacitse ku icumu rya Jenoside yakorewe Abatutsi mu 1994, Nyiramariza Clothilde utuye mu karere ka Muhanga, umurenge wa Cyeza, Akagari ka Biringaga, Umudugudu wa Munini .

Mu rwego rwo kwibuka ku nshuro ya 25 Jenoside yakorewe Abatutsi mu 1994, iyi Minisiteri, ibigo biyishamikiyeho, Ishyirahamwe ry’imikino(olympique), amashyirahamwe y’imikino n’Abahanzi bateguye igikorwa ngaruka mwaka cyo gufasha imiryango itishoboye yarokotse Jenoside yakorewe Abatutsi.

Iyi nzu Nyiramariza Clothilde yubakiwe ifite agaciro ka 10,000,000Frw. Imiryango icumi kandi yagabiwe inka, icumi ihabwa ibikoresho bitandukanye byo mu rugo.

Nyuma y’iki gikorwa, Hon. Nyirasafari yagiye kwifatanya n’akarere mu kwibuka abazize Jenoside baruhukiye ku rwibutso rwa Nyarusange, aho biteganyijwe ko hatangwa inkunga y’amafaranga 500,000.

Twabibutsa ko iki gikorwa ari gahunda igenda izenguruka igihugu: mu 2016 hafashijwe imiryango yo mu karere ka Kamonyi, mu 2017 hafashwa imiryango yo mu karere ka Nyamasheke, mu 2018 hafashwa imiryango yo mu karere ka Gicumbi.

Iki gikorwa kizasozwa n’amarushanwa ngarukamwaka azakorwa n’Amashyirahamwe y’imikino mu Rwanda mu kwezi kwa Kamena mu rwego rwo kwibuka ku nshuro ya 25 abakinnyi, abakunzi n’abafatanyabikorwa mu guteza imbere siporo, bazize Jenoside yakorewe Abatutsi mu 1994.

Bashyikirijwe ibikoresho byo mu rugo
Bahawe n’ibyo kuryamaho
Abaturage bakurikiranaga igikorwa
Izi ni inka bagabiwe
Hon. Nyirasafari Esperance
Iyi nzu ifite agaciro ka 10,000,000 z’amafaranga y’u Rwanda

 

   

Izindi wakunda

Bwiza.com