bwiza.com
Ahabanza » Rwamagana: Mu rugo rw’umuturage hafatiwe litiro zisaga 6500 z’inzoga zitemewe
Amakuru Politiki

Rwamagana: Mu rugo rw’umuturage hafatiwe litiro zisaga 6500 z’inzoga zitemewe

Kuri uyu wa 23 Gicurasi Polisi ikorera mu karere ka Rwamagana umurenge wa Kigabiro yafatiye mu rugo rwa Musigwa James w’imyaka 40 inzoga z’inkorano zitemewe zitwa “Umuvinyu “ litiro 6510.

Polisi y’u Rwanda ihora iburira abaturage kwirinda izi nzoga kimwe n’ibindi biyobyabwenge kuko bigira ingaruka ku buzima bwabo bwa buri munsi.

Chief Inspector of Police (CIP) Hamudun Twizeyimana yavuze ko kugira ngo uyu Musigwa afatwe ari amakuru yatanzwe n’abaturage kuko abenshi bamaze kumenya ububi bw’ibiyobyabwenge, bagize amacyenga y’ahantu atuye kuko bakundaga kubona hinjira imodoka nyinshi buri gihe.
Yagize ati “ku makuru Polisi yari imaze guhabwa n’abaturage ko hari igipangu batazi ikintu gikorerwamo kandi imodoka zikunda kwinjiramo,twagiyeyo dusanga uyu mugabo akora inzoga zitemewe,tumusangana litiro ibihumbi 6510.”

Yakomeje avuga ko nyuma y’ubukangurambaga bugenda bukorwa ahantu hose mu gihugu bugaragaza ko hari icyo butanga kuko abacuruza bakanakwirakwiza ibiyobyabwenge bagenda bafatwa kubufatanye n’abaturage batangira amakuru ku gihe.

Ati “ Abaturage benshi bamaze kumva ko ibiyobyabwenge aribyo nyirabayazana w’ibindi byaha, akaba ariyo mpamvu basigaye babona ubikoresha bakihutira gutanga amakuru bitaragira uwo byangiza.”
Yibukije abaturage ko buri wese afite inshingano zo kurwanya ibiyobyabwenge ndetse n’ibindi byaha kuko akenshi aribo cyane bigiraho ingaruka iyo bamaze kubifatirwamo.

Izindi wakunda

Bwiza.com
error: Alert: Ntabwo byemewe!!