bwiza.com
Ahabanza » DRC: Abagera kuri 30 bitabye Imana,naho abarenga 200 baburirwa irengero mu mpanuka y’ubwato
mu mahanga

DRC: Abagera kuri 30 bitabye Imana,naho abarenga 200 baburirwa irengero mu mpanuka y’ubwato

 

Abaturage barenga 30 baguye mu mpanuka y’ubwato naho abarenga 200 baburiwe irengero nyuma y’uko ubwato bari barimo burohamye. Iyi mpanuka yabereye mu kiyaga cya Mai-Ndombe mu burengerazuba bwa Repubulika Iharanira Demokarasi ya Congo.

Iyi mpanuka yabaye kuri icyi cyumweru ubwo ubwo bwato bwarohamaga . Impanuka z’ubwato zikunze kuba muri congo ahanini bitewe nuko ubwato bwikoreye ibintu byinshi.

Umuyobozi w’akarere ka Inongo yabwiye AFP ko bakomeje kubarura abaguyemo ndetse ko umubare ushobora no kwiyongera. Yagize ati’ Kugeza ubu, tumaze kubona imirambo 30, abagore 12,abana 11 ndetse n’abagabo barindwi’’

Uyu muyobozi yakomeje avuga ko ubu bwato bwarimo abagenzi barenga 350 gusa ngo abarokotse ni 183 gusa. Yakomeje agira ati’’Imibare dufite ni agateganyo, byari bigoye cyane kumenya umubare wa nyawo kubera ko bamwe bari abimukira mu buryo butemewe n’amategeko’’

Ingendo zo mu mazi ni bumwe mu buryo bukoreshwa cyane muri Congo. Gusa ubu buryo bukunze guteza impanuka bitewe no gupakira ubwato ibintu biburusha ubushobozi. Umubare w’abahitanwa n’izi mpanuka ukomeje kwiyongera bitewe n’uko abagenzi batagira imyambaro yabugenewe yo kwambara igihe ugiye mu bwato (Life Jackets).

Muri Mata uyu mwaka, abantu bagera kuri 167 baguye mu mpanuka ebyeri nyuma y’uko ubwato burohamye. Ibi byatumye perezida Etienne Tshisekedi ategeka ko abagenzi bose bagomba kwambara imyambaro yabugenewe.

Nkurunziza Viateur @BWIZA.COM

Izindi wakunda

Bwiza.com