bwiza.com
Ahabanza » Ethiopia irasaba imbabazi ku bw’ikarita ya Afurika yakoze ikuraho Somalia
Amakuru Politiki

Ethiopia irasaba imbabazi ku bw’ikarita ya Afurika yakoze ikuraho Somalia

Minisiteri y’Ububanyi n’Amahanga ya Ethiopiya irasaba imbabazi Somalia ku bw’ikarita ya Afurika iheruka gukorwa, ikavanaho iki gihugu.

BBC dukesha iyi nkuru ivuga ko iyi minisiteri yicuza bikomeye nyuma y’aho iyi karita ishyizwe ku rubuga rwayo.

Iyi karita yavanagaho iki gihugu cya Somalia yagaragazaga agace ka Somaliland gasa n’akigenga. Witegereje kuri iyi karita, ubona igihugu cya Ethiopiya mu ihembe rya Afurika, iri mu ibara ry’umuhondo. Somaliland iri mu majyaruguru y’uburasirazuba bwa Ethiopia, mu ibara ry’ubururu bw’ikirere.

Nyuma yo kubona iyi karita nshya, abaturage ba Somaliya bababajwe na yo, ndetse batangira gutuka ubuyobozi wa Ethiopiya.

Ubusanzwe ibi bihugu ntibyemeranya ku mbibi zabyo. Mu 1940, ubwo Ubwongereza bwahaga Ethiopiya agace ka Ogaden, byateje intambara eshatu hagati yabyo. Somaliya yemeza ko aka gace yakambuwe.

BBC- Icyakoze kubera ko Somaliya yashegeshwe n’intambara kuva mu 1990, yacitse intege, ntiyakomeza guhangana.

 

Izindi wakunda

Bwiza.com
error: Alert: Ntabwo byemewe!!