bwiza.com
Ahabanza » Rusizi: Abanyeshuri bariraga mu mashuri basubijwe
Amakuru Mu mashuli

Rusizi: Abanyeshuri bariraga mu mashuri basubijwe

?

Nyuma y’igihe kirekire abanyeshuri biga muri Saint Matthew’s College  mu karere ka Rusizi barira mu mashuri bigiramo, bashyikirijwe inyubako nziza y’uburiro( réféctoire) n’igikoni cyayo kigezweho,byuzuye bitwaye amanyarwanda  arenga miliyoni 45,uretse kuyiriramo ikaba ishobora no gukorerwamo indi  mirimo nk’imyidagaduro,inama z’ababyeyi n’ibindi,ababyeyi   bagashimira nyir’ikigo Musenyeri Keneth Barham wayibubakiye akanayibashyikiriza.

Uretse iyi nyubako  ngo yari ikenewe cyane muri iri shuri kubera ingorane nyinshi zaturukaga ku kurira mu mashuri kw’abana,cyane cyane ku byerekeranye n’isuku muri ayo mashuri no kuyigiramo nyuma ya saa sita aho ngo byagabanyaga ayo masaha kubera gutinda muri iyo suku,kwandura kw’ibikoresho by’ishuri n’ibindi.

Banashyikirijwe n’izindi nyubako zari zikenewe cyane zirimo icumbi ry’abakobwa na ryo ryuzuye ritwaye arenga miliyoni 33, n’icyumba cyigirwamo ikoranabuhanga  kigezweho na cyo cyuzuye gitwaye arenga miliyoni 28.

Izi nyubako zose nk’uko Bwiza.com yabitangarijwe na bamwe mu  biga muri iri shuri ryigenga mpuzamahanga kuko ryakira abana baturuka mu bihugu by’uRwanda, u Burundi, RDC n’u Bugande kubera ireme ry’uburezi rihatangirwa no kuba ryaraje ngo ari igisubizo cyane cyane ku babyeyi b’abagande bakorera I Bukavu muri RDC bajyaga bagira ikibazo cy’aho bajyana abana babo biga neza mu cyongereza,zije zikenewe cyane.

Irakoze Munira Shanise wiga mu wa 3 w’ayisumbuye yagize ati’’ ni amahirwe akomeye cyane tubonye kuko inyubako zose twashyikirijwe twari tuzikeneye cyane. Nko kuba hari hashize imyaka myinshi turira mu mashuri,nta ho turira hihariye tugira, aho batekeraga hameze nabi kubera ko kari agakoni k’imbaho kuzuye imyotsi n’ababyeyi bacu bagakemanga isuku y’amafunguro twategurirwaga, tukaba tubonye aho turira heza hisanzuye n’igikoni cyiza gifite ibikoresho bigezweho ni ibintu byadushimishije  cyane.

Yongeyeho ati’’ abakobwa bose uko turi 50 bacumbikirwa twararaga mu kumba gato mu nzu isanzwe kagenewe abatarenga 20 tukarara tubyigana ariko ubu twahawe aho turara hakwakira abakobwa   300 baryamye neza na byo bikaba byadushimishije cyane, hakaniyongeraho na kiriya cyumba cy’ikoranabuhanga  kigezweho na  mudasobwa 50,tukaba tugiye kunoza ikoranabuhanga kuko twigaga mudasobwa mu magambo gusa ugasanga urangije hano ahandi agiye ahuye n’ibibazo bikomeye cyane by’ikoranabuhanga,ariko kirakemutse.’’

Asaba nyir’irishuri,Musenyeri Kaneth Barham kubakorera n’umuhanda ugana kuri iri shuri uturuka kuri kaburimbo yo hafi ya sitade ya Rusizi kuko ukuri mubi cyane nk’imodoka zizana abana ku ishuri kuhagera bikagorana, ibibuga by’imikino na byo bikiri ikibazo no gutunganya imbere y’inyubako zose bahawe kuko iyo imvura yaguye icyondo kihaba cyinshi.

Uhagarariye ababyeyi baharerera,Kabera Elisé, yishimiye ko iri shuri riri mu mashuri 20 ya mbere atsindisha abana neza mu gihugu,rikaba irya mbere mu ntara y’uburengerazuba mu mashuri abanza ribonye n’ibindi ryari rikeneye,anifuza ko Leta yahashyira n’icyiciro cya 2 cy’ayisumbuye.

Umuyobozi waryo Neza Keneth  avuga ko bari bahangayikishijwe cyane n’izi nyubako zose,cyane cyane ku kuba abana bigaga mudasobwa mu magambo bikabangamira imyigire n’imyigishirize y’ikoranabuhanga,ko ubwo  ibyakenerwaga byose bibonetse rigiye guharanira kuza mu myanya  5 ya mbere mu gihugu mu mitsindire.

Ushinzwe uburezi bw’amashuri yisumbuye n’ay’imyuga muri aka karere,Nteziyaremye Jean Pierre yavuze ko nk’ishuri rigenga rifatiye runini akarere,igihugu n’ibihugu by’abaturanyi kuko  ritanasaba Leta byinshi mu gihe ryihembera n’abakozi,anishimira ko rimaze kugaba n’amashami mu karere ka Nyamasheke,ashimira Musenyeri Keneth Barham uburyo akemeje guteza imbere akarere n’igihugu cyose,cyane cyane mu burezi.

Musenyeri Kenth Barham wabaye Musenyeri wa mbere wa Diyoseze ya Cyangugu mu itorero Anglican,kuva mu 1993 kugera muri 2001 yubatse ibikorwa remezo byinshi muri  Rusizi na Nyamasheke aho yanabishimiwe n’umwamikazi w’u Bwongereza,Elizabeth ii akavuga ko azakomeza kubyongera agasaba ababihabwa kubifata neza.

Inyubako abana bazajya bariramo nyuma yo gufungurwa ku mugaragaro
Iyi ni inyubako igezweho yo kuraramo bashyikirijwe

 

Izindi wakunda

Bwiza.com
error: Alert: Ntabwo byemewe!!