bwiza.com
Ahabanza » Amakuru y’igura n’igurisha yiriwe avugwa muri ruhago
Amakuru Imikino

Amakuru y’igura n’igurisha yiriwe avugwa muri ruhago

Uyu munsi, tariki ya 28 Gicurasi, hiriwe havugwa amakuru atandukanye ajyanye n’igura n’igurisha mu mupira w’amaguru.

Duhereye hano mu Rwanda, hari inkuru y’umukinnyi w’Umunyarwanda, Sibomana Patrick wamaze gusinya  amasezerano y’imyaka ibiri na Yanga yo muri Tanzaniaimyaka.

Muri Espagne, umuyobozi w’ikipe ya Real Madrid, Florentino Perez yemeje ko kapiteni Sergio Ramos yamusabye kugenda, akerekeza mu Bushinwa. Aya makuru avugwa na Sky Sports.

Hari indi inkuru ya Daily Mail ivuga ko umutoza wa Chelsea, Maurizio Sari ashobora kuba yumvikanye na Juventus ko izajya imuhemba miliyoni 1.2 y’amapaundi buri mwaka.

Hari indi nkuru isa n’igihuha ivuga ko Ronald Koeman utoza Ubuholandi, Massimiliano Allegri na Unaï Emery wa Arsenal bari mu batoza bashobora gusimbura Ernesto Valverde muri FC Barcelona. Aya yo ava muri Mundo Deportivo. RAC 1 yo ivuga ko Roberto Martinez utoza Ububiligi ari we uhabwa amahirwe menshi yo gusimbura Valverde.

The Independent- Paulo Dybala ushobora kuva muri Juventus, ngo ashobora kuzajya muri Manchester United.

Arsenal irashaka kugura umuzamu Gianluigi Donnarumma imukuye muri AC Milan. Amakuru avuga ko ibiganiro hagati y’amakipe yombi byatangiye.

Kugira ngo Neymar akinire Real Madrid, irasabwa kujya imwishyura miliyoni 1.2 mu mapawundi ku cyumweru.

Manchester United na Real Madrid zirashaka Umunya-Argentine, Giovanni lo Celso.

Martthijs de Ligt yavuze ko inkuru zimuhuza na Manchester United zigomba kwirengagizwa.

Westham United irashaka kugura Andres Gomez wa FC Barcelona kuri miliyoni 18 z’amapaundi ariko iyi kipe ntiyashaka ngo ni make.

Izindi wakunda

Bwiza.com
error: Alert: Ntabwo byemewe!!