bwiza.com
Amakuru Imikino

Amakipe 18 niyo azitabira CECAFA Kagame Cup i Kigali

Ikipe y’umupira w’amaguru ya Zambia (Zesco United) na AS Vita Motema Pembe yo muri Congo, ni amwe mu makipe amaze kwemeza ko zizitabira irushanwa ry’umupira w’amaguru CECAFA Kagame Cup 2019.

Ni irushanwa rizaba ku itariki ya 7-21 Nyakanga 2019, i Kigali. Mu kiganiro na Xinhua, umunyamabanga wa CECAFA, Nicholas Musonye yavuze ko gahunda zijyanye n’itegurwa ry’iri rushanwa yarangiye, akaba ari amakipe 18 azaryitabira i Kigali.

Yagize ati “Ikipe Zesco United yo muri Zambia, AS Vita na Zambia zo muri Repubulika Iharanira Demokarasi ya Congo, zarangije kwemeza ko zizitabira irushanwa,…”.

CECAFA ihuza amakipe aturika mu bihugu nka Kenya, Rwanda, Burundi, Djibouti, Eritrea, Sudan, Somalia, South Sudan, Ethiopia, Uganda, Tanzania na Zanzibar.

Iri rushanwa risanzwe riterwa inkunga na  Perezida Paul Kagame, rikaba ryaherukaga kubera mu Rwanda mu 2014, umwaka ushize ryabereye muri Tanzania, ryegukanwa na Azam FC itsinze Simba SC ibitego 2-1.

Ni ku nshuro ya Gatanu kandi rigiye gukinirwa mu Rwanda , ikipe ya APR FC yaryegukanye inshuro eshatu. Kuva ryatangira mu 2002 Perezida Kagame akaba aritera inkunga y’ibihumbi 60 by’amadolari ya Amerika.

Izindi wakunda

Bwiza.com
error: Alert: Ntabwo byemewe!!