bwiza.com
Ahabanza » Rubavu: Uwitwa Innocent yahishuye ko hari abayobozi basangira inyama z’Imbwa
Amakuru Utuntu n'utundi

Rubavu: Uwitwa Innocent yahishuye ko hari abayobozi basangira inyama z’Imbwa

Umuturage wo mu Kagari ka Gikombe, Umurenge wa Rubavu, Akarere ka Rubavu witwa Turinimana Innocent   uzwi ku izina rya Kimada, avuga ko amaze imyaka 10 arya inyama z’Imbwa kandi ntizigire icyo zimutwara.

Abaturanyi ba Innocent bazi neza ko inyama z’imbwa azirya, kubona itangazamakuru kuri bo nta kindi bahita batekereza, bahita biyumvisha ko rimushakaho amakuru, bityo bagahita bahurura bagira ngo bumve uko ahamya ibyo kurya inyama z’Imbwa kwe n’ubwo avuga ko hari n’abayobozi bazisangira.

Aganira na Flash TV, Innocent yagize ati “Nafashe imbwa ndayiteka ndayirya rwose numva ntacyo intwaye, kandi numvise ari ibintu bidasanzwe, numvise ari inyama iryoshye, naje gusanga atari inyama napfa kuvirira ngo nyireke gutyo gusa bisanzwe”.

Umunyamakuru w’iki gitangazamakuru ubwo yinjiraga mu nzu ya Innocent yasanze harimo impu ebyiri z’imbwa yariye. Gusa ku ruhande rw’abaturanyi be bavuga ko basanzwe bazi aya makuru yo kurya imbwa kwe n’ubwo hari bamwe babifata nk’ishyano mu muco Nyarwanda.

Umwe mu baturanyi ati “Yabaze imbwa ayimanitse hejurU” undi ati “imbwa se ko ibamo n’uburozi, njye ntabwo nayirya,…”.

Bwa mbere arya imbwa, ngo yari kumwe n’abantu batanu agira ibanga ngo kuko harimo n’abakomeye, gusa ngo muri aka gace abo bazisangira bakaba bamaze kuba benshi.

Ati “Ntabwo navuga amazina yabo kuko bamwe bari mu nzego z’ubuyobozi, icyo abantu babonaga nk’ikizira, ngo imbwa ntiribwa, aya masaha imaze kugira agaciro gakomeye cyane”.

Uyu mugabo ushimangira ko bafite itsinda ry’abarya Imbwa, ashimangira ko banayihinduriye izina, bayita Agahuzabagabo.

 

 

 

Izindi wakunda

Bwiza.com
error: Alert: Ntabwo byemewe!!