bwiza.com
Amakuru

Afurika y’Epfo: Minisitiri wagiranye ibibazo n’u Rwanda yahawe undi mwanya muri guverinoma nshya

Lindiwe Sisulu Nonceba washinje u Rwanda kumwita indaya yasimbujwe ku mwanya wa Minisitiri w’Ububanyi n’Amahanga wa Afurika y’Epfo.

Ibi Sisulu yabivugaga ashingiye ku byo ikinyamakuru cyo mu Rwanda cyitwa Rushyashya cyanditse ngo kikamwita indaya ya Kayumba Nyamwasa ariko nyuma bikaza gusibwa.

Ni ikibazo cyateje impagarara mu mubano w’ibihugu byombi, wari usanzwe n’ubundi ucumbagira.

U Rwanda rwabiteye utwatsi ruvuga ko atigeze atukwa.

Muri guverinoma nshya, Sisulu Lindiwe  yagizwe Minisitiri Ushinzwe Imiturire, amazi n’isukura.

Kuri ubu uyu mwanya wahawe Minisitiri Naledi Grace Ponder w’imyaka 65 nk’uko itangazo rya Perezidansi ryerekana guverinoma nshya izakorana na Perezida, Cyril Ramaphosa uherutse kurahira rivuga.

Min. mushya w’Ububanyi n’Amahanga wa Afurika y’Epfo, Naledi Ponder

U Rwanda rwamwifurije imirimo myiza ndetse rumwizeza imikoranire izatuma umubano w’ibihugu byombi wazambye kuva mu 2014 ahinini bitewe n’impamvu za politiki.

Umunyamabanga wa Leta muri Minisiteri y’Ububanyi n’Amahanga, Olivier Nduhungirehe ku rukuta rwe rwa twitter yagize ati ” Turabashimiye Minisitiri Naledi Ponder, Reka dufatanye umubano wacu wongere ube mwiza.”

Ponder yari asanzwe ari Minisitiri w’Amashuri Makuru muri iki gihugu, umwanya yahawe mu 2018.

Uyu mugore ni uwa kane ugiye kuyobora iyi minisiteri. Hashize imyaka 20 uyu mwanya uhabwa igitsinagore muri Afurika y’Epfo.

 

Izindi wakunda

Bwiza.com