bwiza.com
Amakuru Politiki

Intara ya Kivu y’Amajyaruguru yabonye guverineri mushya usimbura Julien Paluku

Carly Nzanzu Kasivita kuri uyu wa Kane, itariki 30 Gicurasi niwe watorewe kuba Guverineri mushya w’Intara ya Kivu y’Amajayaruguru mu matora yatsinze ku majwi 28.

Uyu yakurikiwe mu majwi n’abakandida babiri b’ihuriro Lamuka; Muhindo Nzangi Butondo wagize amajwi 11 na Eric Kamavu wagize amajwi 9.

Théobald Binamungu wiyamamaje ku giti cye we nta jwi na rimwe yabonye nk’uko iyi nkuru dukesha Radio Okapi ikomeza ivuga.

Carly Nzanzu Kasivita w’imyaka 43, abaye guverineri wa cyenda w’iyi Ntara ya Kivu y’Amajyaruguru, aho asimbuye kuri uyu mwanya Julien Paluku.

Uyu muyobozi ukomotse mu ihuriro Front Commun pour le Congo (FCC) rya Joseph Kabila, akaba n’umuyoboke w’ishyaka BUREC rya Julien Paluku, azakorana na madamu Lumoo Kahombo nka visi guverineri we.

Intara ya Kivu y’Amajyaruguru ni imwe mu ntara zo mu burasirazuba bw’igihugu zakunze kurangwamo umutekano mukeya uterwa n’imitwe yitwaje ibirwanisho itandukanye ihakorera irimo n’umutwe wa FDLR w’Abanyarwanda.

 

Izindi wakunda

Bwiza.com