bwiza.com
Ahabanza » Uganda yazamuye imisoro y’ibikomoka hanze kuva kuri 25% kugeza kuri 60%
Amakuru Ubukungu

Uganda yazamuye imisoro y’ibikomoka hanze kuva kuri 25% kugeza kuri 60%

Grocery shop cart in supermarket filled up with fresh and healthy food products as seen from the customers point of view

Ikigo cya Uganda k’imisoro n’amahoro cyazamuye imisoro y’ibicuruzwa bituruka mu mahanga, murwego rwo guteza imbere ibikorerwa imbere mu gihugu.

URA (Uganda Revenue Authority) itangaza ko uyu mwanzuro ushingiye ku itegeko rigenga ubucuruzi ryahinduwe muri uyu mwaka w’ 2019/2020.

Ubu ngubu, ibicuruzwa bituruka mu mahanga byari bisanzwe byishurirwa umusoro ku kigero cya 25 % ubu byageze kuri 60 %, ibindi bigarukira kuri 35 %.

Ibicuruzwa byazamuriwe imisoro kugera kuri 60% harimoibiribwa bikozwe mu ibirayi, ubuki, imitobe, icyayi n’ikawa bitunganyije,amavuta yo kwisiga, inyama z’inkoko, inyama z’intama, amavuta ava mu bunyobwa, amavuta asanzwe yo gutekesha, ibirungo by’imigati, ibitunguru,…

Ibicuruzwa nk’amakaro, amateleviziyo, ibikinisho by’abana, umuti usukura amenyo, ubwanwa bw’ubukorano, ibitsike n’ibindi bijya ku maso ndetse n’umusatsi byazamuwe kuri 35%.

Umukuru w’iki gihugu yigeze kwinubira ubwinshi bw’ibicuruzwa bituruka hanze bikinjiira muri iki gihugu. Yavuze ko igihugu cye cyabaye isoko ry’isi, ibyo abona ko byica isoko ry’imbere mu gihugu.

” Ishilingi rita agaciro kubera ko hari ibiva hanze byinshi, nyamara twe dusohora bike, byinshi bifite agaciro kari hasi. Turacyasohora ibicuruzwa bidatunganyije.” Yabitangaje mu 2016 nk’uko Chimp Reports ibitubwira.

Aha yongeyeho ko Uganda itanga amadolari miliyoni 875 ku bicuruzwa bituruka mu Bushinwa buri mwaka. Ubwo ni muri uwo mwaka. Muri rusange, Uganda yishyuraga miliyari 1.154 y’amadolari y’Amerika kuri ibi bicuruzwa bituruka mu bihugu byiganjemo Leta Zunze Ubumwe z’Abarabu, Ubumwe bw’Uburayi, Leta Zunze Ubumwe z’Amerika, Afurika y’Epfo n’ibindi.

Izindi wakunda

Bwiza.com
error: Alert: Ntabwo byemewe!!