bwiza.com
Ahabanza » Ni murebane akajisho keza
Amakuru Iyobokamana

Ni murebane akajisho keza

Soma abafilipi 3:17

Nigeze kumva inkuru y’ umugabo n’ umugore bigeze bagirana ibibazo ku uburyo buri wese yari yaranze kuvugisha undi. Iryo joro ryose ryakeye nta muntu wigeze ushaka kuvugisha undi kugirango babe barangiza ibibazo byari hagati yabo. Bwarakeye umugabo abyuka mbere, agiye kujya ku kazi, ahitamo ku musira message yanditse ku gapapuro kugira ngo umugore we nabyuka abashe ku gasoma.

Dore uko yari yakanditse:

“Honey, uze kubyuka saa 7 kugirango uze kugira icyo ukorera abana mbere yuko bajya ku ishuri?” ku umunsi ukurikiye, igihe umugabo abyukira yari 6:30, aza kumushaka aramubura.

Uyu munsi ndagirango tuvuge ku urukundo.

Niba ushaka kubaho mu urukundo biragusaba kubabarirana, umwe ku uwundi.

Bibliya iravuga iti”

“Ntukareke izuba rirenga ugifite uburakari”

Pawulo mu abafilipi 3:12 aravuga ati” kandi iyo Kristo ahora mu mitima yanyu kubwo kwizera, kugirango ubwo mumaze gushira imizi y’urukundo mukaba mushikamye. Mu gihe muhisemo kugendera mu urukundo, muba mufite imbaraga z’ Imana mu ukubaho kwanyu bishaka kuvuga ko muba mufite ubuzima bwiza mu imigenderanire yanyu.

Birabasaba igihe cyose kugenda mureba ibyagirira akamaro kuri buri wese. Ibintu nari narigiye ku umugore wanjye mbere nari naratekereje ko adashobora kubona ibintu bitagenda neza kuri njye. Muri icyo gihe kubyo nakoraga si uko atabibonaga ahubwo yahitagamo kutabiha agaciro.

Yesu arikumwe n’ abafarisayo bamuzaniye umugore wari ufashwe asambana. Muri icyo gihe amategeko yavugaga ko bagombaga kumutera amabuye. Ariko Yesu ntabwo yamuciriye urubanza ahubwo yaravuze ati “muri mwese utarakora icyaha abe ariwe umutera amabuye.”

Bibliya ivuga ko abo bantu bagiye basubira inyuma kubwo gutsindwa ubwabo. Ushobora kujugunya amabuye kuri buri umwe kubw’amakosa ye ariko icyari gikwiriye ni ukubabarirana umwe ku uwundi. Kuko mujya kubana nta n’umwe uba uz’ibyo umwe aba yaranyuzemo, ntawe uba uzi uko mugenzi we uburyo aba yihanganira ibimubabaza cyangwa ibi mutesha umutwe (Stress). Mu igihe abo bari bazanye uwo mugore kuri Yesu basubiraga inyuma bose.

Yesu yabwiye uwo mugore ati”

“Genda ariko ntuzongere gukora icyaha”

Reka dutangire kugendera mu urukundo bityo twitegereze icyagirira mugenzi wacu akamaro. Kuko inzu iyo igabanyijemo kabiri irangwa, niyo mpamvu ari ngombwa kurinda amahoro mu ingo zacu. Ba uwa mbere mu “kwegera” mugenzi wawe mu Igihe havutse akabazo kugira ngo mukarangize

Ba uwa mbere mu “ kubabarira”

Umuntu yigeze kumbaza ati “ wowe n’ umugore wawe mujya mugirana ibibazo. Nanjye ndamusubiza nti “ Yego “ ndongera ndamubwira nti “ ndetse no muri aka kanya umbajije kino kibazo “ ubu ari ahantu hitaruye kugira ngo “stress” zigabanuke kuri we ndetse no kuri njye”.

Ubusanzwe Imana irema umuntu ntabwo yamuremye nk’ abamalayika ntabwo yaturemye nk’ abamalayika. Hari ibintu abantu bose batumvikanaho bitewe n’ uko buri wese aremwe ukwe. Ariko ibyo ntibivuze ko ibyo mutari kumvikanaho byabatandukanya. Ahubwo nibyo mwagombye kwifashisha mu kuzamukiraho mu ukubaka urugo rutajegajega.

Umunsi umwe umu mama yaje aho nkorera nka Pastor Counseling arambwira ati: Ntarashakana n’ umugabo wanjye ariko turi abafiance kubera ko muri njye nakundaga kugira inzira yanjye kandi mu gihe ntabigezeho numvaga mbabaye cyane. Nyuma Imana iranyisangira iti “ Niba udahinduye inzira yawe, bishobora kuzahindura umukozi wanjye , ariwe uzaba umugabo wawe. Aho maze kubana n’ umugabo wanjye nakomeje kugira ya imico yanjye kuburyo numvaga ko umugabo wanjye agomba kumva ibyo mubwira uko bimeze kose. Ariko umugabo nawe akaba ahagarara ku imyizerere ye kuburyo niyo wanamwica adashobora kuva kuribyo ndetse mwabivugaho akakwereka imirongo ya Bibliya.

Urugo rwacu rwinjiye mu ibibazo kandi nanjye numvaga ko ari ukumbuza uburenganzira bwanjye. Namwereka abandi babikora akansubiza ko ” buri wese afite uko yahamagawe” iyo yavugaga gutyo byanteraga umubabaro cyane nanjye nkamwereka ko ibyo ari ibyiwe kandi ko njye nubwo navukiye mu umuryango ukijijwe ariko ko ntakijijwe, kugira ngo ndebe ko hari icyo yahinduraho maze tukaba twamera nk’abandi mu kuryoherwa n’ ubuzima nk’ abandi bari badukikije.

Gusa Pastor ndagira ngo uzaduhamagare twese ube watugira inama. Narabimwemereye muha appointment. Hari igihe abashakanye bigeraho ntibashake kugendera mu urukundo ahubwo buri wese agashaka kureba icyamugirira umumaro ubwe, cyangwa imiryango avukamo n’ibindi. Ariko Imana ihuza umugabo n’ umugore ku intego nziza kandi ifite Plan nziza kuri marriage yabo.

Byari bikwiye ko wowe ubwawe ugomba gutekereza ko Imana yashize mugenzi wawe mu ubuzima bwawe. Atari impanuka kuko yari ifite impamvu, kandi iyo mpamvu ikaba ifitanye isano ni imibereho yawe Imana yashatse ko imibereho yawe myiza n’ imigisha yawe iyinyuza muri uyi family yanyu.

Utamufite cyangwa akugire ubuzima bwanyu buta agaciro

Mu gihe uzaba ukoze uruhari rwawe, ukaba umuntu wubaha ndetse n’ ingeso nziza kuri buri wese. Mugafatana neza nkuko nawe wifuza kwifata. Imana nayo izakora uruhare rwayo maze murushejo kubaho mu urukundo. Imana ihe imiryango yanyu amahoro, kumvikana ndetse n’Imigisha myinshi mu izina rya Yesu Kristo. Amen

Turabakunda……!

Iri jambo murigezwaho n’umukozi w’Imana, Rev./Ev. Eustache Nibintije, Umunyeshuri wa Patriots Bible University yo muri Leta Zunze Ubumwe za Amerika abinyujije muri Minisiteri ye y’ivugabutumwa yise “Nibintije Evangelical Ministries” yigisha ijambo ry’Imana nkuko Imana yamuhaye uyu muhamagaro ikamwuzuza ubwenge bwo kugira ngo agirire abantu benshi umumaro.

P.s. Partner, Ushobora ku twandikira kuri Email estachenib@yahoo.com

+14128718098(WhatsApp).

Niba ari ngombwa nabwo Ushobora kutubwira utubazo uri guhangana natwo uyu munsi bityo tube twagufasha kudusengera.

Muri an’ igiciro kuri twe….!

Nibintije Evangelical Ministries International ( NEMI)

Izindi wakunda

Bwiza.com
error: Alert: Ntabwo byemewe!!