bwiza.com
Ahabanza » Loni yafashe icyemezo cyo kugabanya abasirikare 1,000 muri AMISOM
Amakuru Politiki

Loni yafashe icyemezo cyo kugabanya abasirikare 1,000 muri AMISOM

Akanama k’Umutekano ka Loni kuri uyu wa Gatanu ushize kafashe umwanzuro wo kugabanya abasirikare 1,000 mu bari mu butumwa bwo kubungabunga amahoro muri Somalia, mu gihe havugwa ubwiyongere bw’ibitero bya Al Shabab muri murwa mukuru.

Nubwo akanama katoye ko hagabanywa umubare w’ingabo za Afurika Yunze Ubumwe ziri muri Somalia muri AMISOM, ngo imiryango ariko iracyafunguye yo kub iki cyemezo cyasubirwamo mu gihe ibintu byakongera kuzamba.

Uyu mwanzuro wazanywe n’u Bwongereza uzagabanya abasirikare 1,000 ku ngabo za AMISOM zigera ku 19,626  kugeza ku itariki 28 Gashyantare, ariko uzagumana abapolisi 1,040. Ni nyuma y’uko manda ya AMISOM yongereweho umwaka nk’uko tubikesha AFP.

Nk’uko byemeranyijwe mu 2017, AMISOM izagenda ishyira umutekano mu maboko y’ingabo za Somalia gahoro gahoro, ariko Afurika Yunze Ubumwe yagaragaje impungenge z’uko igihugu cyaba gihawe inshingano zikirenze mu gihe kizaba kinajya mu matora mu mwaka utaha.

Izindi wakunda

Bwiza.com
error: Alert: Ntabwo byemewe!!