bwiza.com
Amakuru mashya Imikino

Neymar ntiyemera ikirego kimushinja gufata ku ngufu

Ku munsi w’ejo, inkuru yasakaye mu bitangazamakuru ivuga ku mugore ushinja Neymar Jr kumufata ku ngufu mu murwa mukuru wa Paris.

Mu rwandiko uyu mugore yashyikirije polisi yo muri Brazil ruvuga ko Gallo uhagarariye Neymar ari we wamuguriye itike iva muri Brazil ijya mu Bufaransa kugira ngo ahure na Neymar. Ngo yanakodesherejwe icyumba muri Hotel ya Sofitel Paris Arc du Triomphe. Akomeza avuga ko Neymar yamusanze aho yasinze, amufata ku ngufu.

Muri uru rwandiko, uyu mugore avuga ko ibi byabaye ku wa 15 Gicurasi, uyu mwaka. Iki kirego yakigejeje kuri polisi ya Sao Paulo muri Brazil kuri uyu wa 31 Gicurasi.

Polisi yo ivuga ko iki kirego cyakiriwe kandi hazakorwa ibizamini byo kwa muganga kugira ngo irebe niba koko Neymar yarafashe ku ngufu uyu mugore utatangajwe amazina.

Uyu mukinnyi wa Paris Saint Germain akimenya aya makuru, yahise ashyira ahagaragara ibiganiro bisanzwe yagiranye n’uyu mugore kuri WhatApp. Yabigaragarije mu mashusho y’iminota 7 n’isegonda ku rubuga rwe rwa Instagram. Ntabwo yemera ibyo ashinjwa.

Izindi wakunda

Bwiza.com
error: Alert: Ntabwo byemewe!!