bwiza.com
Amakuru Politiki

Sudani: Inzego z’umutekano zishe umwe mu bigaragambya abandi barakomereka

Umuntu umwe yishwe abandi 10 barakomereka kuri uyu wa Gatandatu, nyuma yo kuraswa n’abashinzwe umutekano I Khartoum muri Sudani bari mu myigaragambyo. Abigaragambya bakaba bamaze ibyumweru bigaragambiriza imbere y’icyicaro cy’ingabo z’igihugu.

Abaturage ba Sudani bari mu myigaragambyo basaba igisirikare gusubiza abasivili ubutegetsi mu rwego rwo kugirango hazabeho guhererekanya ubutegetsi muri demokarasi nyuma y’uko abasirikare bahiritse ku butegetsi Omar Al Bashir.

Iyi nkuru dukesha Jeune Afrique iravuga ko umwe mu barashwe yishwe n’ibikomere nyuma yo kugezwa kwa muganga nk’uko byatangajwe n’abaganga bavuga ko umusore umwe yishwe n’isasu yarashwe mu mutwe.

Abenshi mu bandi bakomeretse ngo bagiye bakomeretswa no gukubitwa ibibuno by’imbunda cyangwa za ferabeto.

Ni nyuma y’uko ibiganiro byari hagati y’abasirikare n’abasivili ku bazaba bagize inama y’ubutegetsi izayobora inzibacyuho byahagaritswe ku itariki 21 Gicurasi. Ahanini byatewe n’uko buri ruhande rwifuza kugira imyanya myinshi.

 

Izindi wakunda

Bwiza.com