bwiza.com
Ahabanza » Umwana yabeshye ko indege itwara abagenzi itezemo igisasu, iz’intambara ziratabara
Amakuru mashya Umutekano Utuntu n'utundi

Umwana yabeshye ko indege itwara abagenzi itezemo igisasu, iz’intambara ziratabara

Muri Singapore kuri iki cyumweru tariki ya 2 Kamena, umwana w’imyaka 13 yabeshye inzego z’umutekano ko indege barimo itezemo igisasu, leta ihita yohereza indege ebyiri za gisirikare zirayiherekeza.

Iyi ndege yari itwaye abagenzi 144, yari ivuye mu mugi wa Cebu muri Philippines yerekeza muri Singapore yageze ku kibuga cya Changi yagwiriyeho nta kibazo igize.

Polisi ikomeje gukora iperereza kuri iyi mpuruza y’ikinyoma iracyari kumwe n’uyu mwana w’umuhungu ngo ayifashe.

Minisitiri w’Ingabo muri Singapore, Eng Hen ku rukuta rwa Facebook yavuze ko buri kibazo cyahungabanya umutekano bagifata nk’igikomeye kugeza ubwo bamenyeye ko kidahari. Iyi ni yo mpamvu yatumye bohereza izi ndege za gisirikare.

Yanditse ati: ” Indege za gisirikare ebyiri zo mu bwoko bwa F-15SGs zahagurutse zijya guherekeza indege itwara abagenzi ya kompanyi ya FlyScoot yavaga muri Cebu; byavugwaga ko itezemo igisasu. Zagarutse nyuma y’iperereza ryakozwe tugasanga ari ikinyoma. Buri kintu cyashobora guhungabanya umutekano tugifata nk’igikomeye kugeza ubwo dusanze nta kibazo gihari.”

Straits Times/Singapore

 

 

 

Izindi wakunda

Bwiza.com
error: Alert: Ntabwo byemewe!!