bwiza.com
Ahabanza » Afurika y’Epfo: Babiri bacyekwaho kwica umunyarwanda Camir Nkurunziza bafashwe
Amakuru Politiki

Afurika y’Epfo: Babiri bacyekwaho kwica umunyarwanda Camir Nkurunziza bafashwe

Ku wa Kane tariki ya 30 Gicurasi 2019, nibwo hamenyekanye urupfu rw’Umunyarwanda, Nkurunziza Camir wabaga muri Afurika y’Epfo. Umugore we akaba atangaza ko abantu babiri muri batatu bacyekwaho kuba inyuma y’urupfu rwe batawe muri yombi.

Bitangazwa ko Nkurunziza yarasanwe n’undi muntu umwe bari kumwe, abandi babiri ngo baracika. barashwe n’Igipolisi cya Afurika y’Epfo, ibinyamakuru bitandukanye bigatangaza ko bari mu mugambi wo kwiba imodoka, bagakurikirwa na polisi bafatwa bagashaka kurwanya abashinzwe umutekano.

Aganira na Radiyo Ijwi rya Amerika, umugore wa Nkurunziza, Kabasindi Annet yagize ati “Polisi yaraje iradusobanurira, yatubwiye ko ibisambo bitatu aribyo byamufashe, umwe apfana na we babiri barabafatwa ubungubu barafunze”.

Abajijwe niba barabashije kumenya inkomoko yabo, yasubije agira ati “Umwe twamenye ko ari umunya Afurika y’Epfo ariko abandi babiri ntabwo twari twamenya aho bakomoka”.

Yakomeje avuga ko atarahabwa umurambo w’umugabo we ngo bitewe n’uko Polisi muri Afurika y’Epfo ishaka kubanza gukora irindi genzura ngo imenye icyaba cyaramwishe. Ati “Aracyari mu buruhukiro,  barambwiye ngo nibarangiza gukora ibyo bashaka gukora bazampamagara bawuduhe”.

Ibinyamakuru bitandukanye byo muri Afurika y’Epfo byemeza ko Nkurunziza yarasanywe n’umwe mu bo bari kumwe nyuma yo kwiba imodoka polisi yabahagarika bakanga bakirukanka bagonga izindi modoka kugeza ubwo imodoka yabo yahagararaga, babasaba gusohoka umwe agasohokana icyuma ashaka kugitera umupolisi ari naho iraswa ryaturutse.

Ku rundi ruhande nk’uko BBC yabitangaje, ivuga ko Nkurunziza yari impunzi y’Umunyarwanda, akaba yariciwe muri muri Afurika y’Epfo. Ikagaragaza ko yaba yarishwe ku mpamvu za politiki, by’umwihariko  ko yari umwe mu barwanya Leta y’u Rwanda. Icyo u Rwanda ruvuga ku rupfu rwa Nkurunziza

Izindi wakunda

Bwiza.com
error: Alert: Ntabwo byemewe!!