bwiza.com
Ahabanza » Amakuru y’igura n’igurisha yiriwe muri ruhago: Pogba, Salah na Hazard ?
Amakuru Imikino

Amakuru y’igura n’igurisha yiriwe muri ruhago: Pogba, Salah na Hazard ?

Abakunzi b’umupira w’amaguru turacyari mu rujijo, ntituramenya neza niba abakinnyi batangiye kuvugwa kera ko bazava mu makipe barimo cyangwa bazagumamo. Ibi ni na ko bimeze ku batoza.

Amakuru y’igura n’igurisha aba ukuri kuzuye iyo ku mugaragaro umukinnyi cyangwa umutoza asinyiye ikipe.

Umuntu ntiyajyaho ngo avuge ko 100% abakinnyi cyangwa abatoza bavugwa kwerekeza mu makipe runaka  bazagenda ariko na none twizera neza ko inkuru zimwe zizaba impamo.

Uyu munsi hiriwe amakuru y’igura n’igurisha dukura mu binyamakuru bitandukanye bitangaza ku mupira w’amaguru the Independent, Sky Sports, Daily Mail, ESPN, Marca, Mundo Deportivo,…

Mohammed Salah yateje urujijo nyuma yo kuvuga ko nta cyo yatangaza ku hazaza he muri Liverpool. Aya ni amagambo akunze gutangazwa n’abakinnyi banze kwerura ko bazagenda. Salah yatangaje aya magambo nyuma y’umukino ikipe ye, Liverpool iherutse gukina na Tottenham igatwara igikombe cya Champions League. Real Madrid na Bayern Munich ngo arashaka uyu munya-Misiri mu gihe yaba avuye muri iyi kipe.

Nyuma y’uyu mukino, ibinyamakuru bitandukanye byatangaje ko Mohammed Salah yatangiye kugira ubwumvikane buke na Jurgen Klopp, umutoza wa Liverpool. Ibi byakomeje kuzana igisa n’impuha ko Salah agomba kugenda.

Inkuru ya Maurizio Sarri utoza Chelsea ivuga ko yamaze kumvikana n’iyi kipe ko azavamo, ndetse Juventus isa n’aho yamaze kumvikana na we akazatangira kuyitoza mu mwaka w’imikino wa 2019/2020. Juventus yamaze gusezerera Massimiliano Allegri wari umaze igihe ayitoza. Allegri yashoboye gutwara ibikombe bya shampiyona (Serie A) n’iby’igihugu ariko yashinjwaga kudahesha iyi kipe ibikombe by’umugabane nka UCL (UEFA Champions League).

Chelsea na yo iri mu rugendo rwo gushaka umutoza mushya. Javi Gracia utoza Wattford ni we uhabwa amahirwe yo gusimbura Sarri.

Kugenda kwa Sarri ngo ni yo mpamvu ituma kugenda kwa Eden Hazard muri Real Madrid kugenda biguru ntege. Mbibutse ko Chelsea yagurisha umukinnyi ariko yo ntiyemerewe kugura bitewe n’ibihano bya UEFA. Chelsea yazize kugura abakinnyi batarageza ku myaka yemewe.

Paul Pogba ashobora gusubira muri Juventus de Turin, aho kujya muri Real Madrid. The independent ivuga ko Hazard aramutse agiye muri Real Madrid byagabanya amahirwe ya Pogba yo kujya muri iyi kipe yo muri Esipanye. Impamvu yatuma iyi kipe itagura aba bakinnyi bombi ishobora kuba amafaranga menshi aba bakinnyi basaba kandi iteganya kugura n’izindi ntwaro zihagazeho.

Manchester City na United zirashaka kugura Joao Felix ukinira Benefica muri Portugal. Aya makipe yombi amubonamo impano n’intwaro bazitwaza igihe kirekire kuko aracyari muto.

 

 

Izindi wakunda

Bwiza.com
error: Alert: Ntabwo byemewe!!