bwiza.com
Ahabanza » Nyamirambo: Ibihumbi by’Abayisilamu byitabiriye isengesho ryo gusoza igisibo cy’ukwezi kwa Ramadhan- AMAFOTO
Amakuru Iyobokamana

Nyamirambo: Ibihumbi by’Abayisilamu byitabiriye isengesho ryo gusoza igisibo cy’ukwezi kwa Ramadhan- AMAFOTO

Kuri uyu wa Kabiri tariki ya 4 Kamena 2019, nibwo abasengera mu idini rya Islam basoje igisibo gitagatifu cy’ukwezi kwa Ramadhan, bityo abatuye mu Mujyi wa Kigali bakaba bazindukiye ku bwinshi kuri Sitade ya Kigali i Nyamirambo mu isengesho.

Mu gusoza icyo gisibo i Nyamirambo hazwi muri uyu Mujyi wa Kigali nk’ahatuwe n’abayisilamu benshi, bagaragaraga mu myambaro bamenyereweho y’amakanzu n’ingofero, bakaba babyukiye mu masengesho agisoza muri sitade ari benshi babarirwa mu bihumbi, n’ubwo haramutse imvura ariko ntiyasubitse gahunda yabo, ariko ubwitabire buba buke ugereranije n’imyaka yashize.

Mufti w’u Rwanda, Sheikh Salim Hitimana yasabye Abayisilamu bo mu Rwanda muri rusange kwirinda kwishora mu byaha, ko buri gihe bagomba kwitwararika nk’uko bamaze iminsi mu gisibo.

Ati “N’ubwo igisibo cya Ramadhan kirangiye, mukomeze mube abanyakuri. ntabwo mugomba gusubira mu nzoga, uburaya n’ibindi bikorwa bibi nk’ibyo.

Igisibo cy’abayisilamu gikorwa mu kwezi kwa Ramadhan akaba ari ukwezi kwa cyenda mu ngengabihe y’umwaka w’abayisilamu akaba ariho n’Intumwa y’Imana Mouhamad abayisiramu bemera yahawe ubutumwa n’Imana ibunyujije mu gitabo gikubiyemo imyizerere yabo cya Qu’Oran ari nacyo muyoboro w’imyemerere ya Islamu.

Icyihariye cy’iri sengesho rya Eid el-Fitr n’andi masengesho ni uko rinasengerwa mu mbuga cyangwa mu kibuga nk’uko Intumwa muhamadi Imana imuhe amahoron’imigisha yabigenzaga.

Eid el-Fitr ni umwe mu minsi ibiri mikuru mu idini ya Islam, bakawizihiza basoza ukwezi gutagati kwa Ramadhan. Undi munsi mukuru witwa Eid Al Aduh aho batanga igitambo, ukaba uba mu Kwezi kwa 12 mu mezi y’abarabu witwa Eid Al Aduh.

 

Izindi wakunda

Bwiza.com
error: Alert: Ntabwo byemewe!!