bwiza.com
Ahabanza » RDC: ADF yagabye ikindi gitero cyatwaye ubuzima bw’abasaga 13
Amakuru mashya Umutekano

RDC: ADF yagabye ikindi gitero cyatwaye ubuzima bw’abasaga 13

Ifoto: Actualite.CD

Mu ijoro ryo kuri uyu wa 3 Kamena, inyeshyamba za ADF zagabye igitero mu mugi wa Beni mu ntara ya  Kivu y’Amajyaruguru, abasaga 13 barimo n’umusirikare wayo bahasiga ubuzima.

Amakuru aturuka muri iki gihugu avuga ko mu karere ka Butanuka, humvikanye amasasu ijoro ryose. Ingabo z’igihugu, FARDC, zamenye ko abaturage batewe zirahagoboka.

Meya w’aka karere, Shaban Muvingi yavuze ko :

” Amasasu yatangiye kumvikana kuva saa tatu z’ijoro. Inyeshyamba za ADF zatangiye kwinjira mu nzu z’abaturage n’iz’ubucuruzi. Ingabo z’igihugu zari ku musozi zaje zihangana na bo. Abantu bishwe ni abo mu tugari dutatu: Tatango, Kimbia na Kalongo. Hari inyeshyamba ya RDF yishwe yari yihishe, intwaro yari ifite yajyanywe ku kigo cya Kimbia.”

Muri iki gitondo, ingabo za FARDC zagumye muri aka gace zirindira umutekano aba baturage.

Mu cyumweru gishize mu gace ka Ngite, ingabo za FARDC zarashe inyeshyamba za ADF zisaga 20. Zeretswe abaturage mu mugi wa Beni.

Iki ni igitero cya kabiri cya ADF gitwaye ubuzima bw’abantu benshi. Icya mbere ni icyabaye muri Beni mu 2016, cyatwaye ubuzima bw’antu 50.

ADF (Allied Democratic Forces) ni umutwe w’iterabwoba washingiwe mu burengerazuba bwa Uganda. Wabayeho kuva mu 1996. Waguriye ibirindiro byawo no muri  Repubulika ya Demukarasi ya Congo kuva muri iyi myaka ya za 90, mu ntara ya Kivu y’Amajyaruguru ihana imbibi na Uganda.

Izindi wakunda

Bwiza.com
error: Alert: Ntabwo byemewe!!