bwiza.com
Amakuru mashya Imyidagaduro

Amakimbirane hagati ya Sheebah na Cindy yageze mu bihangano

Sheebah Karungi na Cinderella Sanyu (Cindy) ni abahanzikazi bo muri Uganda ariko ntibamaze igihe kingana mu muziki. Cindy aracyafata Sheebah nk’umwana mu muziki. Bagiye barangwa n’amakimbirane, bigera n’aho babishyira mu ndirimbo zabo.

Izi ndirimbo zabo zuje ubutumwa busubizanya, aka Bebe Cool na Bobi Wine, Mr. Nice na Dudu Baya mu bihe byashize.

Mu ndirimbo yise ‘Patois’ Cindy agaragaza Sheebah nk’umuntu ukora indirimbo yiganye abandi; bimwe twita gushishura. Amugaragaza nk’utagira icyo yakwigezaho atagendeye ku bandi. Yakoreshe aya magambo y’Icyongereza ‘Copy Cut’. Tugenekereje mu Kinyarwanda ‘Copy Cat’ ni ‘injangwe yigana’ (iyo njangwe ni Sheebah’.

Muri iyi ndirimbo, Cindy arabaza ati: ” Niba uhangana nange, wiyumvamo agatege, kuki ugira ubwoba?”

Mu kumusubiza, Sheebah na we abicishije mu ndirimbo ze nka Kimansulo na Wivu, yakomoje ku by’ishyari agirirwa n’uwo atatangaje. Yavuze ko uwo muntu atishimira iterambere rye ku buryo buri kimwe akoze kimubabaza.  Ubusesenguzi bw’abanyamakuru n’abakunzi b’umuziki bubona neza ko uyu muhanzikazi yasubizaga Cindy.

Yongeye kugira ati : ” Igisebo kuri wowe. Utekereza ko ntaho ntagera. Buri gihe uzampoza mu matwi yawe! Ariko ibuka nawe bigutera ubwoba. Nzahindura umusatsi bikubabaze, ninkora indirimbo nshya ubabare…”

Ubwa mbere yigeze kubazwa kugereranya imyitwarire yo ku rubyiniro ye na Sheebah avuga ko nta ho bahuriye ho guhangana. Yatangiye aninura.

” Ntabwo ndi mu rwego rumwe na Sheebah. Ni umuhanzi ukomeye cyane yewe uzi kwizihira abantu ariko aracyakeneye gukora kugira ngo dushobora kurwana urugamba rutabogamye. Ubu byaba bibogamye kungeranya na Sheebah aka kanya.” Cindy.

Cinderella Sanyu (Cindy) wavutse mu 1985 arusha Sheebah imyaka 4

Cindy yakomeje avuga ko Sheebah ari umuririmbyi wo kuri CD gusa atashobora kuririmbira aho umutunguye, atanyuze mu nzu ikora umuziki (studio), bityo ngo ntabwo yahangana n’umuhanzi wa CD.

Sheebah ntiyaviriyemo aho, yahise amusubiza ko amaze igihe kinini mu muziki ariko yananiwe kwiyubakira inzu yo kubamo.

Izi ndirimbo z’ubushyamirane hagati y’aba bahanzikazi zirakunzwe muri Uganda. Zirakinwa ku maradio, televiziyo, zica ku mbuga nkoranyambaga. Abakunzi b’umuziki bari kuzibazaho cyane.

The New Vision/UG

 

 

 

 

Izindi wakunda

Bwiza.com