bwiza.com
Amakuru mashya Imikino

Impinduka muri FIFA zihesheje Infantino kongera kuyobora

Uyu munsi ku wa gatatu, Umusuwisi Jianni Infantino yongeye gutorerwa kuyobora Ishyirahamwe ry’Umupira w’amaguru ku Isi nyuma yo gushimirwa impinduka n’ibibazo yakuye muri uyu mukino.

Infantino afite imyaka 49. Yagiye ku buyobozi mu 2016 asimbuye Sepp Blatter washinjwaga kurya ruswa no gutanga ishimwe ku bakozi mu buryo budasobanutse. Iyi manda azayigeza mu 2023.

Infantino yazanye udushya dutandukanye mu mupira w’amaguru. Ni we wazanye igitekerezo cy’uko amakipe yitabira igikombe cy’isi cyakinwa n’amakipe 48 avuye kuri 32. Iki gitekerezo yifuje ko gitangira gushyira mu ngiro mu mikino y’igikombe cy’isi muri Qatar mu 22, ariko akanama ka FIFA kasanze harimo imbogamizi nyinshi.

Biteganyijwe ko mu 2026, mu mikino izabera muri USA, Mexique na Canada ari bwo amakipe 48 azatangira kwitabira iri rushanwa.

Uyu Musuwisi kandi afite gahunda yo gushyiraho irushanwa rishya rizajya rihuza amakipe (clubs) ku isi rizajya rihuza amakipe 24, dore ko irisanzwe ryahuzaga 7 gusa ahagarariye imigabane. Biteganywa ko iri rushanwa ry’amakipe 24 rizatangira mu 2021.

I Paris mu Bufaransa, Infantino yashimiye ejo hashize abanyamuryango bayo bagera kuri 211 iterambere bamaze kugeza kuri iri shyirahamwe nyuma y’ibibazo byagiye biriranga. Aba banyamuryango bari baje mu matora y’ugomba guhagararira uyu muryango.

” Ndabashimira kuba twarafatanyije guhindura FIFA, ikaba nshya, umuryango muzima, icyizere, urimo uburinganire, buri wese yisangamo kandi ugezweho.” Infantino.

Iyi manda Infantino yatorewe izamara imyaka ine. Ategerejweho izindi mpinduka nziza muri  iri shyirahamwe nk’uko yabigaragaje.

The New York Times

Izindi wakunda

Bwiza.com