bwiza.com
Ahabanza » Kubaho mu bushake bw’ Imana bifungura inzira y’ibyo ukeneye byose  ( igice cya 2)
Ijambo ry'Imana Nibintije Evangelical Ministries International (NEMI)

Kubaho mu bushake bw’ Imana bifungura inzira y’ibyo ukeneye byose  ( igice cya 2)

Soma Abaroma 12 :1

“ Nuko bene data, ndabingiga kubw’ imbabazi z’ Imana ngo mutange imibiri yanyu, ibe ibitambo bizima byera bishomwa n’ Imana, ari ko kuyikorera kwanyu gukwiriye. Igihe wakiriye Umwami nk’Umukiza wawe, uhita ubyarwa ubwa kabiri. Uba usezeye kuba imbata y’ icyaha, icyari cyo cyose. Ariko unyumve neza ntabwo bivuga ko biba birangiye ubonye tike ikujyana mu ijuru nkuko bamwe babyigisha.

Ahubwo uba utangiye urugendo rwo kujya mu ijuru. Uba utangiye urugamba rwo kugira ngo ubashe kwinjira mu ijuru cyangwa kuba icyo uhamagariwe kuba cyo. Ariko ni wowe ubwawe uhitamo kutaba imbata y’ ibyaha cyangwa gukomeza kuba imbata y’ ibyaha. Ibyo akaba aribyo bisobanura kuba “igitambo kizima kandi gishimwa n’ Imana.”

Bikaba nabwo byumvikana ko ari ukuva mu imirimo iyari yo yose y’ umwijima, kwitandukanya n’ ingeso zidahuye n’ ubuzima butangwa n’ Imana. bivuga ko tugomba kuva mu inzira iyari yo yose itanezeza Imana yacu. Maze bikabera igihamya, abakuzi n’ abatakuzi ko warangije kwiyegurira Imana no kuyumvira muri byose, ndetse ukanakora icyo I jambo ry’ Imana rivuze kuruta gukora ibyo abana b’ abantu bavuze ( nubwo nabyo ari ngombwa). Reka uyu munsi dufata umwanzuro nkuwo umukozi w’ Imana witwaga BIlly Gram

Yafashe ubwo yagize ati

“ Nubwo ntasobanukiwe neza Bibliya ariko uyu munsi niyemeje ko mbere yuko nkora ikintu nzajya mbanza kureba niba Ijambo ry’ Imana ricyemera nisaga ritacyemera mpitemo ku kihorera aho kunyuranya n’ ijambo ry’ Imana. Ngo guhera uwo munsi uwo mugabo yapfukamaga abisenga ubuzima bwe bwarahimdutse, kuburyo bukomeye cyane.

Imana yaramukoresheje kuruta uko umuntu yabivugaga.

Yabonye imigisha y’ Imana biruta uko umuntu yayibona.

Imana idufashe kuba mu ubushake bwayo.

Iri jambo muritegurirwa kandi mukarigezwaho n’ umukozi w’Imana, Rev./Ev. Eustache Nibintije, Umunyeshuri wa Patriots Bible University yo muri Leta Zunze Ubumwe za Amerika abinyujije muri Minisiteri ye y’ivugabutumwa yise “Nibintije Evangelical Ministries” yigisha ijambo ry’Imana nkuko Imana yamuhaye uyu muhamagaro ikamwuzuza ubwenge bwo kugira ngo agirire abantu benshi umumaro.

Nibintije Evangelical Ministries International (NEMI)

estachenib@yahoo.com

+14128718098(WhatsApp)

Izindi wakunda

Bwiza.com
error: Alert: Ntabwo byemewe!!