bwiza.com
Amakuru mashya

Mbarara: Umunyarwanda yapfuye akigera mu rugo nyuma y’iyicarubozo yari yakorewe

Umwe mu banyamategeko baburanira Abanyarwanda muri Uganda, Gawaya Tegulle atangaza ko hari Umunyarwanda, Robert Tumwine waguye mu maboko y’abo mu muryango we nyuma yo gufungurwa n’inzego z’umutekano za Uganda yaragizwe intere kubera iyicarubozo.

Mu kiganiro n’itangazamakuru mu minsi mike ishize, abanyamategeko Gawaya Tegulle na Aboneka Michael batangaje ko Abanyarwanda 100 bavuga ko bari basanzwe bakora ibijyanye n’ubucuruzi n’abari mu by’ibwiriza butumwa bafunzwe n’inzego z’umutekano za Uganda.

Ku kibazo cy’uyu Munyarwanda wari ufite umuryango mu Karere ka Mbarara, Tegulle yagize ati “ Mu byumweru bike bishize, Robert Tumwine yararekuwe nyuma yo gukorerwa iyicarubozo. Yajugunwe mu rugo rwa mushiki we  i Mbarara ameze nk’uwapfuye. Nyuma y’igihe gito yaje gupfa. Niba hari amategeko yicwa nkana, si ikibazo cy’abafunzwe, ni icy’inzego z’umutekano.”

Abanyamategeko bagenzi be bavuga ko uburenganzira bw’abakiliya babo bwirengagijwe

Muri iki kiganiro kandi Abanyamategeko b’Abanyarwanda bafungiwe muri Uganda batangaza ko uburenganzira bw’abakiliya babo bubangamiwe na Leta ya Uganda.

Ikinyamakuru The Obderver dukesha iyi nkuru kivuga ko aba Banyarwanda bataratangarizwa ibyaha bashinjwa ariko ko bakomeje gufatwa nabi aho bafungiwe.

Mu kunga mu bivugwa n’aba banyamategeko, Umunyamabanga w’Umuryango w’Abanyamategeko muri Uganda, Francis Harimwomugasho yavuze ko imiryango ikwiriye kwinjira muri iki kibazo kugira ngo gishakirwe umuti.

Tegulle avuga ko batunguwe n’itangazo rya Minisitiri w’Ububanyi n’Amahanga wa Uganda ryo kuwa 17 Gicurasi 2019 ryavugaga ko abafatiwe muri Uganda ari abari mu bikorwa binyuranyije n’amategeko.

Avuga ko ikintu cy’ukuri kiri muri iri tangazo, ari uko Kutesa yemera ko Uganda yataye mur yombi Abanyarwanda.

Ati “Ibisigaye byose ntacyo bivuze. Ni ukugenda avuga utuntu duke ku bibazo by’ingenzi bigoye abantu n’imiryango yabo. Abana babuze ababyeyi babo, abagore babuze abagabo babo baburiwe irengero.”

Avuga ko abafashwe batemerewe kubonana n’imiryango yabo, abababuranira n’abaganga. Avuga ko bamwe bakomeje gukorerwa iyicarubozo kugira ngo batange amakuru mu gihe bo bananiwe kumvisha Uganda ko hakwitabazwa amategeko mu gukemura ibi bibazo.

Harimwomugasho we yavuze ko akomejwe gutangazwa n’uburyo Uganda itumva ubuasabe bw’aba banyamategeko ngo igeze aba Banyarwanda imbere y’ubutabera.

Ikibazo cy’ifatwa no gukorerwa iyicarubozo kw’Abanyarwanda muri Uganda kimaze imyaka ibiri. Uganda yagaragaje ko ititeguye kubirega nyuma y’ubusabe bw’u Rwanda.

U Rwanda rwafashe icyemezo cyo kugira inama Abanyarwanda kuba baretse kujya muri iki gihugu mu gihe ibi bibazo bitarakemuka.

 

 

Izindi wakunda

3 Ibitekerezo

fakill 05/06/2019 11:38 pm at 11:38 pm

njye mbona reta yacu yaratinye iya uganda kko birababaje kuba bakorera nabi abanyarwanda twe hagire ingamba zikaze natwe twabafatira cg nuko arirunda rugufi rukorerwa nabi ubu harimo umunu ukomeye wasanga batubwirango tujye imbere ya amabasade ahahahhaha rwose poltiki ya africa irababake

Subiza
Mushima 08/06/2019 11:07 pm at 11:07 pm

None se

Subiza
Mushima 08/06/2019 11:13 pm at 11:13 pm

None se wowe wiyita fakill, iyo abayobozi bavuze bati mube mworoheje kujya muri kiriya gihugu,wumva bisobanuy’iki? Bishatse kuvuga ngo babanze basheke igisubizo cy’ibibazo biri hagati y’ibihugu byombi.
Naho ibyo kuvuga ngo nuko ari rubanda rugufi, ibyo ntacyo bivuze, kuku ntawuva amaraso ng’undi av’amazi.
Icyo nzi abayobozi b’urwanda arabantu bafite ubushishozi buhagije.
Ari nkawe wakor’iki, warwana? Ntabwo ariwo muti.

Subiza

Tanga Igitekerezo

Bwiza.com
error: Alert: Ntabwo byemewe!!