bwiza.com
Amakuru

Abadepite barahiye ko bari burogoye ijambo rya Perezida Museveni

Abadepite mu gihugu cya Uganda batangaza ko bari burogoye ijambo rya Perezida Museveni naramuka avuze ibidahwitse.

Biteganyijwe ko Perezida Museveni ari bugeze ijambo ku badepite ku bijyanye n’uko igihugu gihagaze kuri uyu wa 6 Kamena 2019.

Abadepite bavuga ko bari bumurogoye naramuka avuze imibare itariyo cyangwa se amakuru atari yo.

Umudepite wa Kikak y’Amajyepfo, Gilbert Olanya yavuze ko nta kiri bu mubuze kurogoya ijambo rya Museveni mu gihe atavuze ku bibazo biraje ishinga igihugu.

Chimpreports itangaza ko  Perezida w’Inteko Ishinga Amategeko ya Uganda, Rebecca Kadaga mu cyumweru gishize yatangaje ko abadepite bakwiriye kwirinda kurogoya Museveni igihe arimo avuga.

Depite Olanya we ati “ Igihe cyose twamucaga mu ijambo, yabaga ashatse kwirengagiza ku kuvuga ku bibazo bihari.”

Yongeyeho “ Kumuca mu ijambo biraterwa n’uko araba yitwaye. Biraterwa n’icyo araba ari kubwira igihugu. Natubwira ibintu bishamaje nk’uzamusimbura, nta muntu uri bumurogoye.”

Mu gutsindagira ikijyanye n’umusimbura wa Museveni, Olanya avuga ko kugira icyo abivugaho byafasha Uganda kutazajya muri rwaserera mu minsi iri imbere.

Ni mu gihe bagenzi bavuga ko akwiye kuvuga ku bindi bibazo bitandukanye harimo n’icy’umubano n’u Rwanda.

Opozisiyo ntiyahwemye gushinja Museveni kwirengagiza kuvuga ku ngingo ziba ziraje ishinga igihugu. Imushinja kwivugira ku bintu bisanzwe kandi ngo agahora abisubiramo uko umwaka utashye.

 

Izindi wakunda

Bwiza.com