bwiza.com
Ahabanza » Amafoto ya Nsengiyumva (Igisupusupu) aryamye mu mafaranga menshi yavugishije abantu
Amakuru mashya Imyidagaduro

Amafoto ya Nsengiyumva (Igisupusupu) aryamye mu mafaranga menshi yavugishije abantu

Nsengiyumva Francois (Igisupusupu) ni umuhanzi w’Umunyarwanda umaze igihe gito yamamaye. Dutangiye kumumenya mu mpera z’umwaka ushize.

Bwa mbere yamenyekaniye mu ndirimbo yise ‘Mariya Jeanne’ ariko abenshi bayita igisupusupu ku mpamvu yo gukunda iri jambo rivugwa muri iyi ndirimbo yakunzwe cyane.

Yamaze gukora indi ndirimbo yise Icange, igaragaramo ababyinnyi gakondo. Benshi bakundiye indirimbo amashusho meza kandi akeye ayigaragaramo.

Nsengiyumva akunda kuririmba indirimbo zivuga ku bwiza bw’abakobwa. Mu mashusho ye, akunda kwifashisha abakinnyi ba filime nyarwanda n’ibyamamare mu rwenya. Iteka ahorana iningiri ye yamye akoresha no mu bihe bya mbere, ubwo yacurangiraga mu dusoko mu cyaro.

Ku mbuga nkoranyambaga hasakaye ifoto igaragaza Nsengiyumva yasinziriye mu mafaranga menshi cyane, asa n’ayamuhishe isura. Abantu baribaza niba koko aya mafaranga ari aye. Abandi bati : ” ni inzozi Nsengiyumva yarose.” Nge ndi baza niba iyi foto itakozwe bimwe twita ‘Photoshop’.

Ariko zaba inzozi, byaba ibindi, Nsengiyumva amaze kuba umunyamafaranga kuko ubu afite isoko nini yayavomamo.

Harashimwa cyane umunyamategeko Alain Mukurarinda wafashije uyu musaza kuzamura impano ye. Yamufashije gukora amashusho, none bigeze n’aho Airtel-Tigo imwifashisha mu kwamamaza ibikorwa byayo. Abakunzi ba Rayon Sports murabyibuka cyane mu minsi ishize ubwo bwashyikirizwaga igikombe cya shampiyona kuri Sitade Amahoro, Nsengiyumva yabasusurukije mu mupira w’umutuku wanditsweho “Airtel Money’.

Indirimbo za Nsengiyumva zigaragara kuri YouTube Channel ya Alain Mukurarinda. Ntutungurwe no kubona ‘Mariya Jeanne’ cyangwa Igisupusupu imaze kugira abarebyi basaga miliyoni n’ibihumbi magana ane (1.4 M) kandi yarashyizwe kuri uru rubuga kuri 15 Ukuboza 2018. Icange yashyizweho ku ya 3 Gicurasi 2019 yo imaze kugeza ku basomyi 802,277.

Kuri iyi ndirimbo ‘Icange’, Alain Muku wemera cyane impano y’uyu muhanzi yagize ati: “Iyo ufite impano uba ufite impano…N’umwana w’igitambambuga, aririmba ibihangano byawe adategwa kandi, abanyarwanda bakwakira mu mitima yabo ntaho bagukinze kuko bibona mu bihangano byawe nta gushakisha!”

Nsengiyumva ataramenyekana:

Nsengiyumva mu mafaranga:

View this post on Instagram

Ifoto ya Nsengiyumva (Igisupusupu) aryamye mu kavagari k'amafaranga yabaye kimomo abantu bibaza niba ari amafaranga ye

A post shared by RADIO RWANDA (@radiorwanda) on

Yamamariza Airtel Money

 

Izindi wakunda

Bwiza.com
error: Alert: Ntabwo byemewe!!