bwiza.com
Ahabanza » Perezida wa CAF, Ahmad Ahmad, yatawe muri yombi mu Bufaransa
Amakuru Imikino

Perezida wa CAF, Ahmad Ahmad, yatawe muri yombi mu Bufaransa

Amakuru aturuka mu gihugu cy’u Bufaransa aravuga ko Perezida w’Impuzamashyirahamwe y’Umupira w’amaguru muri Afurika (CAF) Ahmad Ahmad mu gitondo cyo kuri uyu wa Kane yafatiwe muri hotel y’I Paris yari acumbitsemo aho yitabiriye kongere ya FIFA.

Biravugwa ko Ahmad Ahmad yatawe muri yombi mu gitondo cyo kuri uyu wa Kane ku isaha ya saa 8h30 akuwe muri hôtel de Berri iherereye I Paris, aho yajyanywe na serivisi zishinzwe kurwanya ruswa no kunyereza imisoro nk’uko amakuru agera kuri Jeune Afrique dukesha iyi nkuru avuga.

Aya makuru akaba avuga ko iri tabwa muri yombi ryaba rifitanye isano n’iseswa ry’amasezerano CAF yaseshe yari ifitanye n’uruganda rwa Puma ikajya kuyagiraa na sosiyete yitwa Technical Steel ifite icyicaro ahitwa La Seyne-sur-Mer mu Bufaransa.

Isinywa ry’aya masezerano mashya nk’uko byemezwa n’uwahoze ari Umunyamabanga Mukuru wa CAF, ryagezweho kubera umubano wa Ahmad Ahmad n’umwe mu bayobozi b’iki kigo cy’Abafaransa, bivugwa ko yiyongereyeho amafaranga agera ku Mayero 739,000 ashobora kuba yaragiye mu mufuka wa Ahmad Ahmad, mu gihe uyu avuga ko ibyemezo byose byafashwe byumvinyweho kandi bigaca mu mucyo.

Iri tabwa muri yombi kandi ryaje mu gihe Ahmad Ahmad yari mu Bufaransa aho yagiye yitabiriye kongere ya Fifa, yasoje Gianni Infantino yongeye gutorerwa kuyiyobora.

 

 

Izindi wakunda

Bwiza.com
error: Alert: Ntabwo byemewe!!