bwiza.com
Ahabanza » Imbonerakure zikomeje gushinjwa kwibasira abayoboke ba Rwasa
Amakuru Politiki

Imbonerakure zikomeje gushinjwa kwibasira abayoboke ba Rwasa

Urubyiruko rw’ishyaka CNDD riri ku butegetsi mu gihugu cy’u Burundi ahitwa Mubimbi mu Ntara ya Bujumbura, rurashinjwa kugaba ibitero ku bayoboke b’ishyaka CNL bakabakubita, bakabakomeretsa bakabasiga ari intere

Biravugwa ko Imbonerakure zari zitwaje intwaro gakondo zirimo imitarimba, ibyuma n’imihoro, mu ijoro ryo ku cyumweru bagabye ibitero mu ngo zitandukanye zo mmu gace kitwa Muhororo bikaba ngombwa ko abaturage bamwe barara mu bihuru.

Abagabweho ibi bitero bose biravugwa ko ari abayoboke b’ishyaka CNL rishinzwe vuba na Agathon Rwasa wahoze akuriye FNL.. abo batewe ni Hakizimana Aster n’umugore we Beatrice kamariza, Jean Paul Ndayishimiye, Richard Ndereyimana, Nestor Bamporubusa na Christophe Hakizimana.

Iyi nkuru dukesha SOSMediasBurundi iravuga ko aba baturage basahuwe ibyabo ndetse n’imyambaro y’ishyaka CNL bari bafite iracagagurwa itwikirwa aho. Abayobozi b’ibanze bakomoka mu ishyaka CNL baravuga ko abateye bamenyekanyeariko bari baherekejwe n’insoresore zitapfuye kumenyekana kuko bwari bwije.

Izi Mbonerakure z’ishyaka riri ku butegetsi mu Burundi ngo zikaba zarumvikanye zivuga ko zidashobora kurebera iri shyaka rya CNL rikomeza kwigarurira abaturage. Hagati aho, abahohotewe bari kwitabwaho kwa muganga.

 

Izindi wakunda

Bwiza.com
error: Alert: Ntabwo byemewe!!