bwiza.com
Ahabanza » Nishimiye kujya mu ikipe ikunzwe mu Rwanda[Rayon Sports]- Iragire Saidi
Amakuru Imikino

Nishimiye kujya mu ikipe ikunzwe mu Rwanda[Rayon Sports]- Iragire Saidi

Iragire Saidi wakiniraga ikipe ya Mukuru VS atangaza ko nyuma yo gusinya amasezerano, yishimiye kwinjira mu ikipe ya Rayon Sports avuga ko ikunzwe na benshi mu Rwanda.

Kuri uyu wa Kane tariki ya 6 Kamena 2019, nibwo Ikipe ya Rayon Sports yasinyishije amasezerano Iragire Saidi, uvuye muri Mukura VS, aya masezerano akazamara imyaka ibiri, nk’uko iyi kipe yabitangaje ibicishije ku rukuta rwayo rwa Twitter.

Iragire yishimiye kwinjira muri Rayon Sports, agira ati “Nishimiye kujya mu ikipe ikunzwe mu Rwanda. Nizeye ko tuzagera kure mu marushanwa mpuzamahanga. Abo nsanze ni abakinnyi beza ntabwo tugiye guhangana abubwo tugiye gufatanya”.

Ikipe ya Rayon Sports ubu ihagaze neza, hashize iminsi mike yegukanye igikombe cya shampiyona y’ikiciro cya mbere cya ruhago mu Rwanda, ubu ikaba ikomeje amarushanwa ihatanira igikombe cy’Amahoro, umukino wa mbere yakinnye ikaba yarawutsinze.

Uturutse Ibumoso, Perezida wa Rayon Sports, Paul Muvunyi, Iragire Saidi n’abandi

Izindi wakunda

Bwiza.com
error: Alert: Ntabwo byemewe!!