bwiza.com
Amakuru Politiki

Nyagatare: Umugabo akurikiranweho kwica abana bane b’abaturanyi mu bihe bitandukanye

Umugabo witwa Twagiramungu John akurikiranyweho  n’Ubushinjacyaha icyaha cy’ubwicanyi yakoreye abana bane b’abaturanyi imirambo akayitaba mu nzu ye. Kuri uyu wa Kane tariki 06/06/2019 yaburanishijwe mu mizi, Ubushinjacyaha bumusabira igihano cy’igifungo cya burundu.

Iki cyaha aregwa, kikaba cyarabereye mu kagari ka Nyakigando, umurenge wa Katabagemu, akarere ka Nyagatare, ku matariki 10/02/2019, 05/03/2019, 17/03/2019 na 18/03/2019 nk’uko iyi nkuru dukesha Ubushinjacyaha Bukuru ivuga

Mu miburanire ye, Twagiramungu John yemera icyaha aregwa, ndetse agasobanura uko yagikoraga, agaburira aba bana ibiryo yashyizemo acide, maze mu gihe batangiye gutaka akabapfuka umunwa kugeza bashizemo umwuka.

Ubushinjacyaha bukaba bwagaragaje ibimenyetso byabwo bishimangira ahanini ukwemera icyaha kwe, ariko bugaragaza ko atigeze yerekana icyamuteye kwica aba bana, ngo anagaragarize ubutabera niba nta bandi yishe batamenyekanye, bityo akaba adakwiriye kugabanyirizwa igihano cy’igifungo cya burundu yasabiwe hashingiwe ku ngingo y’107 y’itegeko Nº68/2018 ryo ku wa 30/08/2018 Itegeko riteganya ibyaha n’ibihano muri rusange mu Rwanda.

Nyuma yo kumva impande zombi, Urukiko Rwisumbuye rwa Nyagatare, rwanzuye ko urubanza rupfundikiwe, maze rwemeza ko ruzasoma icyemezo ku itariki 13/06/2019 saa munani z’amanywa.

Izindi wakunda

1 Igitekerezo

Ndimunyarwanda 07/06/2019 11:50 pm at 11:50 pm

uwo ntakwiye kuba muri societe nyarwanda yakwiye gupfa akavaho cg muzamushyire muri miseur abantu bajya bamureba nkumuntu wamaze impinja
banywe amaraso menshi none barikubura uko bica agaha ibibondo uburozi. Ubwo wasanga nawe afite abana?

Subiza

Tanga Igitekerezo

Bwiza.com