bwiza.com
Amakuru mashya Imyidagaduro

The Ben afite agaseke arapfundurira abakunzi be mu masaha 24

Umuhanzi w’Umunyarwanda, Mugisha Benjamin cyangwa se The Ben afite agaseke arapfundurira abakunzi b’ibihangano bye, uyu munsi bitarenze amasaha 24.

The Ben tumuzi mu ndirimbo zakunzwe na benshi nka Fine Girl, Thank You yafatanyije na Tom Close, Lose Control yafatanyije na Meddy ariko yakoze ‘Naremeye’ yari ikiri majwi.

‘Naremeye yayishyize ku rubuga rwa YouTube mu mezi atatu ashize. Imaze kugira abayirebye miliyoni 1.1. Iri mu majwi, ikagira n’amagambo nsobanuro (lyrics) mu rurimi rw’Ikinyarwanda.

The Ben abyukiye ku rubuga rwa Instagram asezeranya abakunzi be n’abamukurikira ko amashusho y’iyi ndirimbo atarenza uyu munsi.

Akavidewo gato yashyize kuri uru rubuga kagaragaza kamwe mu duce kagize aya mashusho.

Yagize ati: ” Muraho! Mwese mbafitiye inkuru nziza. Ya ndirimbo mukunda iraje. Amashusho ya ‘Naremeye’ arajya hanze bitarenze amasaha 24.”

The Ben agiye gushyira hanze aya mashusho mu gihe abakunda ibihangano bye, cyane abakunze iyi ndirimbo bifuje kuva kera aya mashusho. Ni igisubizo kuri bo muri aya masaha uyu muhanzi yabasezeranyije.

Izindi wakunda

Bwiza.com