bwiza.com
Ahabanza » Impunzi z’Abarundi ziri muri Tanzania zirarira ayo kwarika
Amakuru Politiki

Impunzi z’Abarundi ziri muri Tanzania zirarira ayo kwarika

Impunzi z’Abarundi ziri mu nkambi ya Nduta muri Tanzania, zivuga ko zikomerewe mu gihe zigabwaho ibitero bya hato na hato, bamwe bakicwa abandi bagashimutwa mu buryo butandukanye n’ibindi bikorwa bitandukanye bibangamiye uburenganzira bwabo.

Inkambi ya Nduta irimo impunzi zisaga ibihumbi 100 byahunze mu Burundi mu mwaka wa 2015, ubwo havukaga imvururu zakuruwe na manda ya Gatatu ya Perezida Nkurunziza, abaturage bose batavugagaho rumwe.

Mu gihe impunzi zishinja Leta ya Tanzania kutazirindira umutekano, igipolisi cy’iki gihugu cyo gishimangira ko hari imitwe y’abitwaje intwaro baturuka i Burundi bakagaba ibitero muri iyi nkambi.

Tanzania: Igipolisi cyise abarundi batatu b’inyeshyamba

Leta ya Tanzania yatangaje ko mu mpera z’ukwezi gushize hari abitwaje intwaro bagabye igitero kuri iyi nkambi, nyuma byaje gutangazwa ko abarundi batatu bahiciwe muri icyo gitero.

Nk’uko bitangazwa n’ibinyamakuru bitandukanye, ngo abagore n’abakobwa muri iyi nkambi bafatwa ku ngufu, by’umwihariko ubu izi mpunzi z’abarundi zikaba zarishyiriyeho uburyo bwo kwirindira umutekano, zipanga amarondo y’ijoro mu gihe zibona igipolisi cya Tanzania kitawubungabunga uko babyifuza.

 

Izindi wakunda

Bwiza.com
error: Alert: Ntabwo byemewe!!