bwiza.com
Imikino

Peace Cup: APR FC yatsindiwe I Rwamagana ariko ikomeza muri 1/8

 

Ikipe ya Rwamagana City yatsinze APR FC igitego kimwe ku busa (1-0) mu mukino w’igikombe cy’Amahoro mu ijonjora ribanza. Gusa iyi nsinzi ntacyo yafashije Rwamagana City kuko yahise isezererwa ku giteranyo cy’ibitego bibiri kuri kimwe (2-1) mu mikino yombi.

Uyu mukino wabaye kuri uyu wa gatandatu, wabereye ku kibuga cya Rwamagana City , wari umukino wo kwishyura mu gikombe cy’Amahoro mu ijonjora ribanza kubera ko umukino ubanza wari wabereye kuri stade ya Kigali I Nyamirambo.

Umukino ubanza APR FC yari yatsinze Rwamagana ibitego bibiri ku busa(2-0). Gusa umukino wo kwishyura ntabwo wahiriye APR FC kuko yaje gutsindirwa I Rwamagana igitego kimwe ku busa. Rwamagana City yasabwaga gutsinda ibitego bitatu ku busa kugira ngo yizere gukomeza muri 1/8.

Igitego cya Rwamagana City cyatsinzwe na Niyodata Janvier ku munota wa 22 w’umukino. Gusa iki gitego ntabwo cyari gihagije kugira ngo ikomeze. Umukino watangiye APR FC isatira mu buryo bukomeye dore ko yahise ibona penaliti gusa iyo penaliti ntabwo yaje kujya mu rushundura kuko Ally Niyonzima yaje kuyihusha.

Nyuma y’uyu mukino Ikipe ya APR FC yahise ikomeza mu mikino ya 1/8 isezereye Rwamagana City ku mpuzandengo y’ibitego 2-1.

Amakipe 16 yamaze kubona tike yo gukina imikino ya 1/8 ni: Rayon sports, APR FC, Marines FC, Mukura Victory sport, Kiyovu Sport, AS Kigali, Etoile de l’Est, Police FC, Gicumbi FC, Espoir, Intare, Bugesera, Rwamagana, Gasogi Fc , Hope FC, Etinelles.

Nkurunziza Viateur @ Bwiza.com

Izindi wakunda

Bwiza.com