bwiza.com
Ahabanza » Gisagara: Min. Shyaka yageneye Umudugudu wa Kaburanjwiri inka y’imihigo
Amakuru Politiki

Gisagara: Min. Shyaka yageneye Umudugudu wa Kaburanjwiri inka y’imihigo

Minisitiri w’Ubutegetsi bw’Igihugu, Prof.Shyaka Anastase yageneye inka yiswe iy’imihigo, umudugudu wa Kaburanjwiri uherereye mu Murenge wa Kansi, Akarere ka Gisagara, wabashije guhiga iyindi.

Mu nama nyunguranabitekerezo y’Intara y’Amajyepfo yabaye kuri uyu wa Mbere tariki ya 10 Kamena 2019, nibwo Minisitiri Shyaka yashyikirije ibihembo Abakuru b’Imidugudu 8 yabaye Ntangarugero mu kwiteza imbere no kwikemurira ibibazo muri buri Karere kagize iyi Ntara. Uwa Kaburanjwiri uza ku mwanya wa mbere uhembwa n’inka.

Min Shyaka yashimye ubufatanye n’umuhate by’abaturage b’uyu mudugudu ntangarugero wa Kaburanjwiri, byatumye wesa imihigo yawo yose ku kigero cya 100% uko ari imihigo 24 nk’uko babimugaragarije.

Mu izina rya Perezida wa Repubulika, Paul Kagame, Minisitiri Shyaka yageneye uyu Mudugudu wa Kaburanjwiri inka y’imihigo kubera ibikorwa by’intangarugero mu kwigira no kwiteza imbere. Ababwira ati: “Muri urugero rw’ibishoboka kuko mufite icyerekezo cyo kwigira.”

Uyu mudugudu wa Kaburanjwiri wesheje imihigo yose ku kigero cya 100%. Ubwisungane mu kwivuza 2019-2020 naho umuhigo bawugezeho 100%.

Min Shyaka amurikirwa ibyagezweho mu mihigo
Shyaka amurikira umusaruro

 

Izindi wakunda

Bwiza.com
error: Alert: Ntabwo byemewe!!