bwiza.com
Ahabanza » Burundi: Ingoro ya CNDD-FDD yagabweho igitero n’abantu bataramenyekana
Amakuru Politiki

Burundi: Ingoro ya CNDD-FDD yagabweho igitero n’abantu bataramenyekana

Mu ijoro ryo ku Cyumweru gishize, itariki 09 Kamena 2019 ingoro y’ishyaka CNDD-FDD muri Komini Mpanda, mu Ntara ya Bubanza yagabweho igitero n’abantu batamenyekanye bitwaje intwaro.

Aya makuru yemejwe n’umuvugizi w’Igipolisi cy’u Burundi, Pierre Nkurikiye, aravuga ko hari ahagana saa tanu n’igice z’ijoro ubwo hazaga imodoka yo mu bwoko bwa Dyna ikaza itumbereye iyo ngoro ya CNDD-FDD yazimije amatara hahita hatangira kurwana n’abashinzwe umutekano.

Umuvugizi w’igipolisi akomeza avuga ko habaye kurasa iyo modoka amasasu maze ihita isubira inyuma nta matara yigeze icana bituma itamenyekana nk’uko iyi nkuru dukesha Ubmnews ikomeza ivuga.

Uyu muvugizi wa polisi yakomeje avuga ko ayo masasu yarashwe yatumye ingoro y’ishyaka CNDD riri ku butegetsi yangirika ibirahuri no ku gice cy’imbere.

Kubw’amahirwe ariko, nta muntu wahasize ubuzima mu gihe iperereza ryatangiye ngo hamenyekane abo bantu bari bateye ingoro ya CNDD-FDD.

Izindi wakunda

Bwiza.com
error: Alert: Ntabwo byemewe!!